Kazu Tiago Fong, Presiza Klarifikasaun Husi Embaixada Portugal

DILI - VII Governu Konstituisional liu husi Ministeriu Negosiu Estranjeirus no Koperasaun (MNEK) presija tebes atu hetan klarifikasaun husi embaixada Portugal iha Timor Leste, relasiona kazu Tiago Fong-Fong neebe halai ba Australia.

Lia fuan hirak nee hatoo husi Prezidente Conselu Nasional Juventude Timor Leste (CNJTL) Maria Dadi Soares ba STL iha nia knar fatin Farol Dili Sesta, (17/11/2017). Nia dehan presija hatene lolos konaba sidadaun portages neebe komete tiha kazu krimi iha Timor maibe halai sees husi nia responsabilidade juridiku.

“tuir ami nia haree katak  ema nain ruam neebe komete krimi  iha kaju iha Timor Leste  judicial sira presija atu halo klarifikasaun ruma bainhira tribunal presija atu kondena ita haree katak prosesu nee ita nia instituisaun prende ona sira nia pasaporte. Tanba nee ita husu ba ministeiru negisiu estranjeiru no koperasaun atu kontaktu ba embaixada Portugal iha TL tanba sa mak sira fasilita nio haruka sai ba liur,” nia kualia.

Parte seluk tanba saida maka parte tribunal Munisipiu Dili prende ona pasaporte sidadaun nain rua nee maibe tanbasa maka ema nain rua nee sai husi TL. Tanba nee maka husu ba governu liu husi nia instituisaun relevante atu kontrola liu husi sistema neebe diak atu beele hatene ema estranjeirus sira neebe tama sai iha TL.

Retor Universidade Dili (UNDIL) Estevao da Costa Belo dehan ema sidadaun estranjeiru neee komete kaju krimi iha TL depois halai sai ida nee presija haree didiak lei no regulamentu parte seguransa neebe iha. Parte seluk moos tenki haree lei no regulamentu sira neebe iha Timor Leste nee forte ka lae.

Reprejentante Musulmanu Timor Leste Arif Abdullah Sagran lamenta tebes atetude husi arguidu sidadaun Portugal neebe halo krimi iha Timor depois buka halai ba Australia ida nee konsidera katak ema lakumpri lei TL neebe mak iha.  

Justinho Manuel | Suara Timor Lorosae