Pedro Belo: Situasaun Dili 90% Hakmatek

THETIMOR-NEWS.com, DILI – Komnandante Polisia Nasional Timor – Leste (PNTL) Munisipiu Dili, Superintendente Xefe, Pedro Belo informa, oras ne’e daudaun situasaun iha Dili laran 90% lao hakmatek no kontroladu.

 “Ita hatene katak oras ne’e daudaun situasaun iha Dili laran ne’e 90% lao kalma hela maibe ita hotu hatene elite politik sira mak bele hatete katak situasaun  ne’e la hakmatek maibe komunidade iha Dili Laran sente hakmatek hela no laiha problema komunidade no joven sira,” dehan Superintendente Xefe Pedro Belo ba Jornalista sira iha komandu PNTL Munisipiu  Dili, Kinta (16/11/2017).

Maski oras ne’e daudaun informasaun ne’ebe espalla ba publiku katak komesa husi 9:00 OTL kalan ba leten ema iha Dili laran la lao. Tanba ne’e komandante ne’e esplika, “Ema kolia tun sae dehan 9:00 OTL klan ema la lao ona ne’e lalos, agora ita hare katak 10:00 OTL ba leten to madrugada mos ema sira iha Dili laran sei halo movimentu lao nafatin ne’e hatudu katak situasaun lao normal hela, ne’e mak ohin ami inkontru ho komandante  Jeral hodi koalia sobre situasaun hirak ne’e hotu”.

Nia hatutan, agora daudaun komunidade iha Dili laran halo koperasaun diak tebes ho PNTL liu – liu Polisia Ofisiais Suku (OPS), ne’e duni iha fulan ne’e nia laran PNTL konsege kaptura duni ema krimi sira hamutuk atus ida nen nulu resin hodi detein iha sela PNTL Munisipiu Dili no balun prosesu on aba Tribunal.

Tanba ne’e, nudar komandante Munisipiu Dili,  husu ba komunidade hotu labele halo liafuan ne’ebe falsu hodi dehan Dili la hakmatek.

Hortencio Sanches | Editór: Evangelisto Santos

Foto: Komandante PNTL munisipiu Dili, Pedro Belo