Roo Rua Husi Australia Seidauk Serteza

DILI – Roo rua neebe maka governu Australia Oferse ba governu Timor-Leste dadaun seidauk serteza, bainhira maka too mai Timor-Leste hodi komesa halo patroliamentu iha parte tasi Timor.

Tuir Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeneral Lere Anan Timur hateten nia parte seidauk iha serteza bainhira maka roo rua neebe governu Australia oferese ba Timor-Leste.

Ami nain rua Jeral Australia maka trata uluk kestaun nee  hodi koalia kona ba atu fo roo  rua nee ba ita,  no kona ba roo neebe maka ita nian maluk Australai fo  oinsa nee sira la define sira maka atu komanda ga ita maka atu komanda roo nee ita la hatene ninian prosesu ida no ida nee hau maka husu tau imi nian bandeira ka imi nian bandeira bele halo modifiksaun ba roo nee oin iu roo nee rasik ami maka  hodi ka imi maka hodi entaun hatan ba ida nee Jeral Australia dehan ba Hau katak roo neebe ami fo nee simi nian ona,” dehan Lere ba Jornalista sira hafoin remata enkontru ho Prezidente Republika Francisco Guterres Lú Olo, iha palasiu Prezidensia Nicolau Lobato Bairru Pite, Kuarta (8/11/2017).

Nia dehan konaba roo nee baihira too iha Timor, nee Estadu Timor-Leste maka hatene,  no roo rua nee rasik sei halo patroliamentu iha tasi Timor hodi halo kontrolu ba atividade iha tasi nian.

Hatan kona ba roo neebe maka governu Australia oferese ba estadu Timor-Leste iha intensaun ruma, Lere hateten laiha intensaun ruma husi ofertas no roo nee governu Australia oferese atu ajuda Timor-Leste ho ojetivu halo kontrolu iha tasi Timor. 

Natalino Costa | Suara Timor Lorosae