Alkatiri Aseita Mina Dada Mai Timor

DILI: Primeiru Mainistru (PM) Mari Bim Amudi Alkatiri deklara maske seidauk hatene destinu kadoras mina Timor atu dada ba ne’ebé, maibé ninia parte aseita di’ak liu dada mai Timor-Leste.

“Ida ne’e maka akordu ida ne’ebé atu asina daudauk. tanba ne’e kadoras seidauk deside atu ba Australia ka atu mai Timór. Ne’e duni loron 20 Marsu maka TL-Australia sei hasoru malu fali iha Malaisya antes aranka ba Nova Yorke.,” dehan PM Alkatiri ba jonalista sira, kinta (15/02) iha Palasiu Prezidensia Nicolau Lobatu Bairu Pite.

Hasoru malu ho delegasaun husi parte rua iha Malaisya ne’e nia sei la partisipa no nia rasik sei dereitamente aranka ba Nova Yorke. 

“Ha’u aseita tanba uluk ha’u nunka iha mehi to’o 100%.Ne’e duni kuandu 70% mai Timor ne’e di’ak ona,”dehan Alkatiri.

Nia afirma katak, klaru tebes akordu ne’ebé Timor-Leste halo ho Australia ne’e hodi garante riku soin iha tasi laran. Ida ne’e maka tenki integra tomak iha akordu nia laran. Maibé medialine ne’e akordu ida no Greater Sunrise ne’e ekonomiku.

Maibé nia afirma atu ko’alia kona ba 70 too 80 pursentu ne’e husik depois maka bele halo kontas.

“Agora iha diferensa oituan hakarak dada ba Australia 80%. Uluk ho bayu undang 90% ema barak halo kritika ha’u. Agora ha’u la halo kritika ba ema ida tanba ha’u laiha mehi liu ida ne’e,” tenik nia.

Entertantu testu importante ne’ebé atu tama iha akordu ne’e maka area JPDA maka sai nu’udar fronteira ba Timor-Leste.

Cristina Ximenes | Independente