segunda-feira, 30 de abril de 2018

Ezekusaun Duodésimu Marsu Atinje Porsentu 50


DILI, (TATOLI) – Ministériu Planu no Finansas relata ona ezekusaun Dotasaun Orsamentu Temporáriu (DOT) ka duodésimu marsu 2018 atinje porsentu 50 husi totál orsamentu hamutuk millaun $104,631,399 ne’ebé esklui empréstimu.

“Kompozisaun ba ezekusaun DOT marsu mak hanesan saláriu no vensimentu porsentu 68, bens no servisus porsentu 48, kapitál dezenvolvimentu porsentu rua, transferénsia públika 78 no despeza kontijénsia porsentu 20”, refere portál Ministériu Planu no Finansas (MPF) ne’ebé tatoli asesu ohin.

Kona-ba ezekusaun dodesimál janeiru nian konsege atinje porsentu 66 husi totál orsamentu hamutuk millaun $101, 168.285 no iha fevereiru ho porsentu 60.2 husi totál osan millaun $102, 952.940 ne’ebé esklui empréstimu.

Iha alokasaun DOT ba abríl 2018 hamutuk U$105,455,045 ka ho porsentu 99 husi DOT, maibé daudaun ne’e seidauk fó sai sumáriu persentajen husi ezekusaun ne’e.

Jornalista: Maria Auxiliadora

Foto/MPF

Sem comentários: