segunda-feira, 30 de abril de 2018

SEJT Kongratula Traballadór Sira


DILI, (TATOLI) – Sekretáriu Estadu Juventude no Traballu (SEJT), Nívio Leite Magalhães, kongratula traballadór sira iha rai-laran no liur iha loron mundiál serbisu-na’in sira-nian ne’ebé monu iha 1 maiu 2018.

“VII Governu Konstituisonál liuhusi SEJT hakarak fó parabéns ba traballadór sira hotu iha rai-laran, husi tasi-feto to’o tasi-mane no traballadór sira ne’ebé iha Korea, Austrália, Inglaterra, Irlanda Norte, Kanadá no nasaun seluk”, katak Nívio iha Kaikoli ohin.

Governante ne’e dehan traballadór sira mak eroi iha luta ba libertasaun povu tanba ho sira-nia sakrifísiu no esforsu bele kontribui ba ekonomia família no nasaun.

“Hanesan membru Governu, ha’u hakruuk ba imi hotu no husu nafatin imi hotu nia kontribuisaun ba dezenvolvimentu rai-doben Timor-Leste”, afirma.

Sobre loron internasionál traballadór ka May Day ne’e mak istória naruk luta klase traballadór mundiál nian ne’ebé hahú iha inísiu sékulu 19, hamutuk ho dezenvolvimentu indústria kapitalizmu iha Estadu Unidu Amérika no nasaun sira Europa Osidentál nian.

Disiplina no serbisu ne’ebé rigorozu, saláriu mínimu no kondisaun fatin serbisu ne’ebé ladi’ak, kauza  reasaun kontra husi klase traballadór sira.

Jornalista: Maria Auxiliadora | Editora: Rita Almeida

Sem comentários: