DILI - Lezada ho inisial DBC
tenke simu purada husi nia laen arguidu ho inisial DS, tanba la fo osan ba nia
laen atu sosa tua.
Konsekuensia husi arguidu nia
hahalok, halo lezada sente moras iha parte atinjidu.
Tanba nee Ministeriu Publiku
akuza arguidu pratika krime ofensa ba integridade fisika simples ho forma
violensia domestika, iha artigu 145 kodigu penal, no mos krime ameasa.
Hatan ba akuzasaun neebe iha,
arguidu deklara, faktus neebe iha loos.
Faktus hirak nee loos hotu, maibe
agora hau arepende ona ba hahalok nee, iha futuru hau sei la halo tan, ”deklara
arguidu iha sala julgamentu.
Arguidu hatutan, agora dadaun nia
ho lezada la hela hamutuk, maibe sira sempre kontaktu malu. No lezada mos
hakarak ba hela hamutuk ho arguidu, maibe lezada nia inan mak la hatan.
Iha fatin hanesan lezada hatete,
arguidu halo duni hahalok nee.
Audensia julgamentu nee prezide
husi Juiz singular Maria Solana, Ministeriu Publiku reprezenta husi prokurador
Bartolomeo de Araujo, arguidu hetan asistensia legal husi defensor publiku.
Notisia kompletu lee iha jornal
STL edisaun Kuarta (02/05/2018)
Terezinha De Deus | Suara Timor
Lorosae
Sem comentários:
Enviar um comentário