terça-feira, 29 de maio de 2018

La’o Hamutuk | Konferénsia Imprensa


Konvite

Konferénsia Imprensa; Rezultadu Observasaun Eleisaun Antesipada hosi La’o Hamutuk

Liu husi karta ida ne’e, ami hakarak konvida ita-boot sira nudár mídia no jornalista hodi mai akompaña konferénsia imprensa ida, iha ne’ebé ami sei fó sai La’o Hamutuk nia rezultadu observasaun ba Eleisaun Antesipada Parlamentár 2018 nian. Konferénsia da Imprensa ne’e sei halo iha:

Data/oras: Kuarta Feira, 30 Maiu 2018, tuku 10 dadeer
Fatin: Edifísiu La’o Hamutuk Bebora, TK São Carlos nia oin
La’o Hamutuk nudárr organizasaun Sosiedade sivíl ne’ebé liu dékada ida ona, hala’o servisu, peskiza, analiza no advokasia ba prosesu dezenvolvimentu sira iha Timor-Leste. La’o Hamutuk defende Nasaun Timor-Leste ida ne’ebé nia sidadaun sira seguru liu iha moris sosiál no ekonómiku ida ne’ebé sai ona objetivu komún estadu Timor-Leste nian.

Kada eleisaun sira La’o Hamutuk ajuda votante no públiku atu akompaña prosesu sira eleisaun nian, inklui fahe asuntu esensiál sira ne’ebé liga ho povu no nasaun nia moris atu públiku bele akompaña antes deside sira nia votu ba partidu ka koligasaun sira ne’ebé kompete iha eleisaun sira. Bele hetan informasaun sira husi ami nia servisu ba eleisaun sira kada periodu iha Timor-Leste, iha ne’e; http://www.laohamutuk.org/issues.html#elections

Ba ita-boot sira nia partisipasaun no kolaborasaun, la haluha hato’o obrigadu barak. Ami ne’ebé saran lia

Celestino Gusmão Pereira
Reprezentante ekipa koordenasaun

La’o Hamutuk
Institutu Timor-Leste ba Monitor no Analiza Dezenvolvimentu
Rua Dom Alberto Ricardo, Bebora, Dili, Timor-Leste
Tel: +670-3321040 or +670-77234330 (mobile) email: laohamutuk@gmail.com  

Sem comentários: