Konsellu Superior hosi Defeza ho
Seguransa (CSDS) timoroan, iha loron-segunda ne'e, fó ona autorizasaun ba
proposta ida hosi Governu hodi promove ofisial superior na'in haat hosi Forsa
Defeza Timor-Leste nian (F-FDTL) ba títulu brigadeiru-jeneral sira.
Desizaun ne'e foti iha reuniaun
hosi CSDS ne'ebé prezidi hosi xefe Estadu, Francisco Guterres Lu-Olo, no halo
iha Palásiu Prezidénsia, iha Díli, hatete ona hosi partisipante sira iha
enkontru ba ajénsia Lusa.
Proposta ne'ebé Governu aprova
ona iha Konsellu Ministru iha loron 10 Maiu rekomenda ba Prezidente Repúblika
promosaun ba postu brigadeiru-jeneral sira hosi ofisial superior na'in haat ho
postu koronel: Falur Rate Laek, Sabika Bessi Kulit, Aluk Descart ho Maunana.
Promosaun sira aprezenta ona tuir
ho Estatutu hosi Militar sira F-FDTL nian, ne'ebé defini katak promosaun hosi
militar sira to'o postu koronel hanesan kompeténsia hosi xefe Estadu-Maior
Jeneral F-FDTL nian no promosaun hosi militar sira ba ofisial jeneral sira
hanesan kompeténsia exkluzivu hosi Prezidente Repúblika, ho proposta hosi
Konsellu Ministru sira.
Promosaun sira debate no aprova
hosi CSDS ne'ebé rekoñese ona "esforsu hosi militar sira ne'e ba
kontinuasaun iha moris militar no nia importánsia iha transmisaun hosi
patrimóniu kultural ho militar tomak ba joven sira".
Tanba adapta ba mudansa sira hosi
"ezijénsia legal sira, típiku hosi Estadu Direitu ida, iha solusaun
harmoniozu ida no importante hodi defini forsa armada profisional sira"
hanesan mós pontu rekoñesidu ida.
Promosaun isra sei laiha impaktu
iha estrutura superior hosi F-FDTL nian no mós sei la reprezenta konstituisaun
hosi vaga foun sira ka ezijénsia hosi promosaun obrigatóriu sira hosi militar
foun sira ba postu Brigadeiru-Jeneral bainhira militar promovidu sira pasa ba
situasaun reforma, haktuir hosi Governu.
Aleinde Prezidente,
primeiru-ministru Mari Alkatiri ho ministru sira Defeza ho Seguransa, José
Somotxo, ministru Negósiu Estranjeiru, Aurélio Guterres ho ministra Justisa,
Ângela Carrascalão, partisipa mós iha enkontru loron-segunda ne'e.
Partisipa mós, hodi reprezenta
Parlamentu Nasional, deputadu sira Jacinto Vicente Roque, David Ximenes ho
Merício dos Reis, komandante hosi Forsa Defeza Timor-Leste (F-FDTL),
major-jeneral Lere Anan Timur ho komandante-jeral hosi Polísia Nasional
Timor-Leste nian, komisáriu Júlio Hornay.
Lista hosi partisipante sira
inklui mós Manuel Serrano, diretor-jeral hosi Serbisu Nasional Intelijénsia
nian, no individualidade na'in rua ne'ebé nomeadu hosi xefe Estadu, Cornélio
Gama ho Cristina Alves da Silva.
Ministru Estadu ho ministru
Konselleiru Seguransa Nasional nian, José Ramos-Horta, la marka prezensa iha
enkontru, tanba iha estranjeiru.
SAPO TL ho Lusa
Sem comentários:
Enviar um comentário