Fretilin, partidu boot opozisaun
timoroan nian, kritika iha loron-sesta ne'e difikuldade ne'ebé iha hodi kria
inkéritu parlamentar ida ba konjuntu projetu sira polemiku ne'ebé aprova loron
balun antes eleisaun tinan 2017 nian.
Iha komunikadu, bankada Frente
Revolucionária Timor-Leste Independente (Fretilin) hatete katak inkéritu ne'e
"karik sei la halo tanba iha tentativa hodi kria difikuldade ba prosesu
estabelesimentu komisaun parlamentar nian".
Iha projetu hamutuk 142 ho valor
ne'ebé variadu - ne'ebé maka iha total reprezenta kustu ida besik dolares
millaun 350 - asina hosi ministru barak VI Governu nian iha loron balun antes
eleisaun lejislativa tinan 2017 nian.
Orsamentu Jeral Estadu nian prevé
katak projetu sira ne'e - estrada no ponte sira - iha injesaun finanseira
hamutuk millaun 13 iha tinan ne'e, maibé liu millaun 280 iha tinan 2019.
"Inkéritu Parlamentar ne'e
impotante tebes tanba involve osan estadu nian, no prosedimentu legal sira.
Antes halo pagamentu ida ba projetu sira ne'e, tenki varifika legalidade
prosesu adjudikasaun", refere Francisco Branco, vice-prezidente bankada
nian.
"Ami la komprende tanba s maka
tenta taka odamatan ba prosesu inkéritu parlamentar ne'e, ne'ebé maka atu buka
buka hodi garante katak desizaun sira hotu ne'ebé maka halo tuir duni lei sira
ne'ebé maka iha vigor", subliña tan.
Branco refere katak tentativa ba
obstákulu sira ne'e levanta hosi meza parlamentu rasik ne'ebé maka
"seidauk ezerse sira nian funsaun ho forma ida ne'ebé adekuada hodi
asegura estabelesimentu komisaun parlamentar nian" solisita.
"Tan razaun ida ne'e, ami
hakarak alerta ba publiku konabá tentativa ba blokeiu ida ne'e", esplika.
Fretilin afirma katak iha
"deskonfiansa boot ho prosesu adjudikasaun nian" projetu sira nian
"ne'ebé maka la kumpri ho prosedimentu legal sira aprovizionamentu no
akizisaun ba bens no servisu".
Sita hosi komunikadu ida hosi
diretor Sekretariadu Grande Projetos (SGP), Crispim Fernandes, katak iha loron
03 Agostu 2017 informa katak eis-ministru Planeamentu no Investimentu
Estratéjiku, Xanana Gusmão, katak projetu sira ne'e "la tama iha kategoria
ba projetu foun sira no seidauk tama iha faze ba planeamentu, orsamentasaun, no
mós la aprovadu hosi Parlamentu Nasional (PN) no la promulga hosi prezidente
Republika".
Fretilin konsidera katak
adjudikasaun projetu sira inklui "medidas oioin, ne'ebé toma hosi ministru
sira ho forma hodi evita intervensaun Kámara de Kontas nian", liu-liu fahe
projetu obra sira nian hodi bele kiik hosi dolares millaun lima.
Dezde tinan 2013 ne maka lei
konabá Orsamnetu no Jestaun Finanseira obriga projetu sira hodi iha vistu
préviu Kámara Kontas nian.
Komisaun inkéritu nian husu iha
loron 07 Setembru hosi bankada sira Fretilin no Partidu Demokratiku nian (PD).
SAPO TL ho Lusa
Sem comentários:
Enviar um comentário