Asionista seguradora timoroan
NITL troka iha loron-segunda ne'e akuzasaun ba malu konabá responsabilidade ba
situasaun empreza nian ne'ebé maka lori intervensaun Banco Central de
Timor-Leste (BCTL) no mós aprezentasaun suspeita ba krime finanseira barak ba
Ministeriu Publiku.
Iha kauza, iha keixa ida entrega
hosi BCTL tanba suspeita ba fraude no fase osan, liu-liu, "iregularidade
prosedimentais no finanseira sira ne'ebé barak no iha violasaun ba Lei Seguru
nian, inklui mós desviu fundu sira, ne'ebé pratika hosi responsavel boot
sira" National Insurance Timor-Leste (NITL) nian.
Iha deklarasaun ba Lusa iha Dili,
Eugene ONG, sosiu minoritariu NITL nian, duun sosiu maoritariu Collin Yap
desvia fundu sira ba depeza pessoal no osan ba projetu iha empreza seluk.
Collin Yap agora daudaun ne'e
hela iha Singapura nega naran iregularidade, no duun BCTL ba "motivasaun
politika".
"Saida maka BCTL halo ne'e
kontra lei. La iha diretor ida maka bolu ba entrevista ka ba interoga. Sira
nunka bolu ha'u. No ha'u oferese ha'u nian an rasik ba responsavel BCTL nian
hodi ba ne'ebá no hodi intervista ha'u. No sira nunka hakarak", afirma
Yap.
Ong iha 30% iha empreza maibé
nunka halo parte iha Konsellu Administrasaun nian, ne'ebé maka nomeadu hosi
Collin Yap (40%) no empreza ne'ebé maka iha, Frist Capital (30%).
Iha ninian komunikadu ida konabá
kazu ne'e, iha fulan Novembru 2017, BCTL nega informasaun ne'e, no esplika
katak iha sira nian investigasaun ne'e notifika ba "sira ne'ebé involvidu
hodi bele hatete saida maka akontese, no entidade ho nia membru sira aprezenta
sira nian defeza".
BCTL analiza "kompletu"
"defeza sira ne'ebé sira aprezenta" - ne'ebé maka identifika
diretamente - no ne'ebé maka desidi kondena NITL, eis-membru ida hosi sira nian
Konsellu Administrasaun "ba pratika hosi infrasaun oioin simple, grave no
grave liu".
Eugene Ong esplika katak ninian
motivasaun ne'e tanba, tuir responsavel sira, empreza ne'e la halo ona osan
-maski iha aumentu ba kliente no valor aseguradu no negosiu ho valor dolares
millaun 5 tinan-tinan.
"Ha'u nota katak iha valor
ne'ebé as tebes iha despeza sira pesoal Collin nian ne'ebé kobra ba empreza.
Brinkus diamantes sira, viajen ski nian ba Japaun. Buat sira ne'ebé maka labele
halo parte ba gastu sira mepreza nian", afirma.
Tuir dokumentu sira ne'ebé maka
Lusa hetan asesu ba, iha detalle ba sosa brinkus diamantes no gastu sira seluk
(iha fulan Outubru 2014), iha dokumentu ba despeza sira NITL nian no ne'ebé maka
asinatura ba halo despeza sira ne'e no autoriza maka: Collin Yap rasik.
Impaktu boot iha konta sira
empreza nian, maibé, desvia tiha dolares millaun 2,5 hosi NITL nian ba empreza
Timor Capital Partners Asia (TCPA) - ne'ebé maka Collin Yap mós sosiu, hodi
finansia projetu konstrusaun hotel ida iha enklave Oecusse Ambeno, esplika Ong.
Autorizasaun ba "avansu osan
nian" iha dokumentu ida, ne'ebé maka Lusa hetan asesu, iha loron 30 Juñu
2014 no asina hosi membru na'in hat Konsellu Administrasaun nian: Collin Yap,
Francisco Pereira, Thokur Shetty e Fong Ngang Seng.
Iha parte ida, tanba desviu fundu
sira ne'e, Ong hatete, la selu sira nian reseguradora besik dolares millaun
1,2, valor ne'ebé koresponde ba seguru sentral eletrika sira timoroan nian iha
tinan 2015, hatete Ong.
"Dokumentu ne'e lejitimu,
hanesan emprestimu lejitimu ida entre empreza sira. Hosi millaun 2,5,
transefere de'it millaun 1,9", garante Yap ne'ebé maka hatete katak nia
desliga hosi Timor-leste "dezde tinan 2015", maski hatudu disponivel
hodi bele responde BCTL no Ministeriu Publiku.
Ong esplika katak hafoin konfirma
situasaun ne'ebé maka empreza ne'e enfrenta nia rasik, iha tinan 2016, denunsia
situasaun ne'e ba Banco central de timor-leste (BCTL), entidade ne'ebé maka
tutela supervizaun ba setor seguru nian iha nasaun.
Ong esplika katak NITL iha
"imajen ida ne'ebé maka di'ak" iha merkadu, ho kliente 500 resin - inklui
mós entidade internasional sira hanesan embaixada sira no Governu - no
kredibilidade ida ne'e reforsa ho pagamentu ba dezembolsu boot seguru nian:
dolares millaun 1,3 ba insediu armajén ida iha Dili.
"Triste tebes tanba ami maka
uluk no lider iha merkadu. No agora hare empreza sira seluk manan fali merkadu
ne'ebé maka ami halo no ami kredibiliza", afirma.
SAPO TL ho Lusa
Sem comentários:
Enviar um comentário