DILI, (TATOLI) – Profesór
Katedrátiku Heitor Barras Romana, hosi Institutu Superiór Siénsia Sosiál no
Polítika (ISSSP), Universidade Lisboa (UL) hatete Timor-Leste (TL) nu’udar
Estadu direitu demokrátiku ida okupa fatin importante iha nível internasionál
tanba konstrusaun ba identidade.
Prezidente no Konsellu Diretivu
ba ISSSP ne’e fahe hanoin bainhira sai oradór iha konferénsia sientífika ne’ebé
organiza hosi Institutu Defeza Nasionál (IDN) hodi ko’alia kona-ba “Memória
Estratéjika no Rezilénsia Nasionál”.
Iha konferénsia ne’e, Barras
hatutan hahú husi memória estratéjika ne’e, estruturante ba afirmasaun
soberania, independénsia TL nian, nune’e mós pozisaun ba interese esterna, iha
planu ba kondusaun ba polítika internasionál ka polítika externa.
Barras Romana katak komunikasaun
ne’ebé nia halo nu’udar komunikasaun reflesaun ida ne’ebé hakarak partilla
kona-ba matemátika ne’ebé mak importante liu iha afirmasaun identidade no
memória povu Timor nian.
“Aban loron 7 dezembru, ha’u
konsidera nu’udar altura loos hodi ko’alia akademikamente kona-ba importánsia
kestaun memória estratéjika afirmasaun Estadu iha orden internasionál no
konsolidasaun estadu iha orden interna, relasiona funsionamentu instituisaun
esensiál sira”, katak ba jornalista sira iha auditóriu IDN, Palásiu Governu,
ohin.
Nia dehan ita iha ona tempu,
ne’ebé mak fenómenu globalizasaun tenke “hamamuk” buat ne’ebé mak espesifíku.
Tanba ne’e afirmasaun identidade Estadu ne’e fundamentál, la kontrariadu ho
fenómenu globalizasaun nian.
Maibé, ne’e fundamentál iha kada
fundamentu konstrusaun Estadu no nia identidade reforsa iha kada momentu, valór
no prinsípiu fundamentál ne’ebé mak estrutura dinámika sosiedade ninian, ne’ebé
estrutura Estadu no ajente sosiedade timoroan nian.
“Ha’u subliña ona katak iha
sékulu XXI forma ne’e bele estratéjika liután Estadu Timor-Leste hodi afirma
ninia identidade, rezilénsia nasionál ne’ebé mak adekuada no aposta liután iha
partisipasaun iha organizasaun ho natureza multilaterál”, akresenta.
Ida ne’e hanesan, memória
estratéjiku, rezilénsia nasionál no partisipasaun esterna TL iha organizasaun
determinada ne’e iha pilár tolu ketketak maibé pilár esensiál iha memória
organizasaun polítika Estadu no iha modernizasaun ekonómika no reforsu valór
esensiál soberania no indepedénsia nasionál. “Ida ne’e esensiál no ha’u hakarak
transmite”, subliña.
Akadémiku ne’e akresenta kabe ba
IDN, papel fundamentál ida iha estudu no kestaun estratéjiku iha prezente no
liuliu iha futuru.
IDN dirijidu husi Komandante
Donanciano Gomes alias Pedro Klamar Fuik, dezenvolve papel úniku ida iha
afirmasaun valór esensiál soberania, independénsia TL no iha papel
estraordináriu mós iha reflesaun akadémika no sientífika iha tema sira ne’ebé
mak estruturante ba komprensaun relasaun nasionál ne’ebé mós estruturante,
nune’e TL konsege dezenvolve objetivu sira iha planu polítiku, ekonómiku. “Ida
ne’e konsege alkansa pozisaun rasik ida em termos internasionál”.
Sai Ponte
Heitor Barras Romana akresenta TL
mós sai hanesan ponte ida. Katak, Estadu ki’ik sira iha relasaun
internasionál, naturalmente iha difikuldade hodi kompete ho Estadu boot sira;
iha planu ekonómiku, planu militár, purezemplu. Tanba ne’e papel husi Estadu
ki’ik sira ne’e Estadu iha sékulu XXI iha orden internasionál? Kontributu saida
mak bele fó?
Ne’e serve nu’udar ‘ponte
ligasaun’ entre estadu seluk, organizasaun seluk hodi ligadu fatin sira ne’ebé
diferente, hahú husi buat ne’ebé mak komúm.
TL iha lian-portugés nu’udar lian
ofisiál, no ida ne’e permite TL nu’udar mós atór iha kuadru CPLP. Maibé TL iha
pozisaun jeográfika ne’ebé okupa mós nu’udar pontu ligasaun ba sudeste
aziátiku.
“Tanba ida ne’e mak ha’u hateten,
papel ligasaun transforma ba ponte ida, iha sentidu ba pás nian, progresu no
dezenvolvimentu sustentável. Ponte ne’e signifika simbóliku ba estrutura
aprosimasaun nian, la’ós separasaun. Tanba ne’e Timor-Leste iha papel
jeokulturál ida, jeopolítiku importante ida nu’udar ponte ligasaun entre
unidade sira diferente”, dehan akadémiku ne’e hodi konklui.
Jornalista: Rafy Belo | Editora:
Rita Almeida
Imajen: Profesór Katedrátiku,
Heitor Barras Romana. Foto: IDN
Sem comentários:
Enviar um comentário