MM Sai Ona Kriminozu Labele Husu Tan Dialogo

Dili - Paulino Gama alias Mauk Moruk labele husu tan atu halo dialogo ho Estadu no Governu, tamba nia sai ona Kriminoju ba kaju nebe nia halo hasoru Instituisaun PNTL, tan nee diak liu mai intrega aan.

Tuir Reprezentante povu iha uma fukun Parlamentu Nasional (PN) Deputadu Cesar Valente katak, Paulino Gama Alias Mauk Moruk atu mai inrega aan tamba ema hotu moris iha Lei nia okos, karik hatene aan katak nia sidadaun rai ida nee nia oan maka tenke koopera.

Hau hanoin Mauk Moruk iha lei nia okos, no nia mos hanesan ona ema kriminoju ida, nia deklara katak kaju Baguia nia maka responsablidade tamba nia haruka nia ema sira maka halo, tan nee nia tenke koopera hodi hatan iha Justisa, karik ho komandante sira seluk nee iha problema ruma maka tenke kumpri uluk justisa pois maka buka dalan seluk hodi halo dialogo, tamba ema hotu moris iha lei nia okos,” dehan Deputadu Cesar Valente ba STL, Tersa (14/04/2015) iha nia knaar fatin PN.

Iha fatin hanesan Prezidente Komisaun B Asuntu Defeza no Siguransa, Deputadu David Dias Ximenes hatutan, prezensa Mauk Moruk tenke kee didiak problema nia hun, no tamba sa maka fukun nee iha, karik hatene ona maka fasil atu rejolve problema sira nee. Informasaun kompletu iha STL jornal no STL Web, edisaun Kuarta (15/4/2015). Madalena Horta

Suara Timor Lorosae