Governu Fahe Traktor Nunka Kontrola, Natar Kontinua Abandona

AINARO - Maske Governu Fahe Traktor Kuaze 40 ba Povu suku Casa, Postu administrative Ainaro Vila, maibe nunka kontrola, laiha irigasaun, halo Natar Barak oras nee kontinua abandona.

Tuir Xefi Suku Casa Antonio da Costa Carvalho katak Casa ho nia Identidade propriu, Natar barak iha Casa Kontinua Abandona tamba laiha Irigasaun nomos laiha informasaun inkliu laiha transformasaun mentalidade povu nian.

Governu fahe traktor 40 ba povu iha Suku Casa maibe Realidade Natar barak kontinua Abandonado tamba Laiha Irigasaun Menus Kontrola husi Governu no mos laiha transformasaun povu ninia mentalidade,” dehan Antonio liu husi Dialogu ho Prezidente Republika Taur Matan ruak Tersa (28/04/2015) iha Suku Casa.

Iha fatin hanesan Prezidente Republika Taur Matan Ruak husu ba Povu Suku Casa atu hare Oportunudade nebe mak Governu kria iha Suku Casa no tenki uza oportunidade, nebe mak kria ho diak. Timotio Gusmao

Suara Timor Lorosae