GOVERNU SEIDAUK FO ATENSAUN DIAK BA AREA TURIZMU IHA MAROBO

DILI - Reprejentante povu iha uma fukun Parlamentu Nasional (PN) kestiona konaba seitor turizmu iha Timor Leste (TL), no konsidera too agora governu rasik seidauk fo atensaun diak ba area Turizmu iha Marobo, Municipiu Bobonaro.

Deputadu husi bankada CNRT, Antonio Ximenes husu ba Ministeriu turizmu atu bele  kontrolu fatin turizmu iha rai laran, no labele fokus liu ba iha aktividades dansa, tanba  area turizmu nee importante tebes atrai turizta mai investe.

Turizmu nee ita hare halo festa iha kintu kantu, maibe ita seidauk kontrolu diak ba ita nia area turizmu iha ita nia rai laran, tanba nee Ministeriu Turizmu labele fokus liu ba iha aktividades dansa sira nee, hanesan iha Marobo sira nee fatin turizmu nebee mak diak, maibe too agora fatin nee ba seidauk diak, ami Parlamentu aprova osan maibe governu tenki hadia area turizmu, tanba ho fatin turizmu nebee mak diak bele atrai turizta sira  mai iha rai laran,” dehan Deputadu Antonio ba STL, iha uma fukun PN, Sesta (29/05).

Nunee mos Prezidente Komisaun D PN nebee trata asuntu ekonomi dezemvolvimentu, Jacinta Abu Cau Pereira hateten, aktividade no programa nee barak, maibe Ministeriu Turizmu nia osan ba seitor turizmu tinan nee kiik.

Iha parte seluk, Direitor Jeral Farming Study Group Timor Leste (TL), Remigio Laka  Vieira husu ba governu atu tau preoridade ba iha area turizmu, liu-liu Ministeriu Turizmu atu bele kontrola area importante. Informasaun kompletu iha STL Jornal no STL Web, edisaun Sabado (30/5/2015). Jacinta Sequeira

Suara Timor Lorosae

Fota: Marobo – Bobonaro (projeto)