Iha Aniversariu JSMP Ba XIV, JSMP Lansa Relatoriu Tolu

Dili, Radio Liberdade, Aniversariu JSMP ne’ebe monu iha loron 28/4/15, Halo JSMP hakat ona ba tinan 14, no JSMP komemora loron aniversariu ne’e iha Otel Timor, iha loron 30/4/15 ho lansa relatoriu 3, Relatoriu Observasaun Jeral Setor Justisa 2014, Relatoriu Annual Parlamentu Nasional 2014 no Relatoriu Instituisional 2014.

JSMP ho laran sholok aprejenta ba publiku relatoriu importante hirak ne’e, ne’ebe konstitui analiza JSMP kona ba progresu no dejasfiu sira iha setor judisiariu inklui prosesu kaju sira iha Tribunal  no prosesu lejislativu iha Parlamentu Nasional no akontesementu importante sira ne’ebe JSMP observa iha tinan 2014, hanesan Direitur JSMP Luis Sampaio Haktuir, “Identifika progresu no dejasfiu sira ne’ebe mak iha seitor Judisiariu no mos iha Parlamentu Nasional, iha parte judisiariu mak hanesan aprejenta husi kolega sira, iha progresu numeru julgamentu iha Tribunal tinan ne’e sae no tinan 2014 sae kompara ho tinan 2013, no mos relasaun servisu entre Juis Prokurador sira mos diak, e julgamentu mobel iha distritu sira aumenta nune’e mos situasaun seluk maka hanesan diskuti iha relatoriu ne’e maka intervensi husi sector judisiariu liu husi rejolusaun Parlamentu no mos Guvernu  atu hasai inmediata autor Judisiariu internasional sira ne’ebe mak durante ne’e fo apoiu ba Tribunal, Ministeriu Publiku no KAK, ne’e maka dejafiu bo’ot liu iha setor Judisiariu iha 2014, tamba ne’e maka ami rekomenda atu restora fali relasaun ne’e  e identifika nesesidade rekursu principal sira iha Tribunal no iha Ministeriu Publiku atu hametin liu tan ita nia seitor Judisiariu”.

Iha fatin hanesan Ministru Justisa, Ivo Valente liu husi dadalian ho jornalista sira haktuir nia parabens ba JSMP, “fo parabens ba JSMP, ho tinan 14 ne’e sira hetan tasak liu, sira hetan matenek liu, sira nia relatoriu sira ne’e mos refleta situasaun, preokupasaun Estadu nian tomak, iha situasaun sira ne’ebe mak persija sira nia tulun atu fo mos hanoin ba Guvernu, Ami Guvernu sempre rona, ami sempre bika tenta atu hadia sector justisa, ami aprende husi ema hotu inklui Sosiedade Sivil, inklui husi JSMP, relatoriu ne’e fundamental it abele dehan kritiku maibe hanesan ohin hau nia intervensaun dehan ba sira katak sector Justisa ita hadia sei lori tempu tamba permeiru formasaun kapasitasaun ita nia sector Justisa ne’e depende barak ba ema, ema kerjer ema ho kualidade, ema ho esperensia”.

Maria Bibel – Rádio Liberdade Dili