Konsellu Ministru Deside Oferese Kondekorasaun Ba Saudozu La Sama

DILI - Konsellu Ministru Estraordinaria (KM) deside no propoin ba Prezidenti Republika Taur Matan Ruka, atu oferese kondekorasaun ba Saudozu Fernando La Sama de Araujo, tamba saudozu partisipa iha prosesu libertasaun patria durante tempu naruk.

Lia hirak nee hatoo husi Primeiru Ministru Rui Maria de Araujo, liu husi konfrensia imprensia wainhira remata Konsellu Ministru Estraordinaria, iha Palasiu Governu, Tersa (02/06/2015).

Konsellu Ministru mos deside atu propoin ba Prezidente Republika atu halo kodekorasaun, tamba Saudozu Ministru Kordinador Lasama mos hanesan ita hotu hatene ema ida neebe partisipa iha luta libertasaun durante tempu naruk.Depois Prezidente Republika  deside tipu Kodekorasaun  neebe maka atu foo,” hateten PM Rui.

Xefi Governu nee mos salenta liu tan katak iha Konsellu Ministru Estraordinaria nee mos presta omenazen ba kolega membru Governu ida no kompaineiru da luta nebe husik hela sira nia ekipa VI Governu kostitusional.

Iha fatin hanesan Ministra Saude Maria do Ceu hateten konaba Ministru La Sama nia moras ikus liu ataka iha Suai, tamba nia halao serbisu vizita de traballu. Informasaun kompletu iha STL Jornal no STL Web, edisaun Kuarta (3/6/2015). Joao Anibal

Suara Timor Lorosae