PD TRISTE LAKON NINIA LIDERANSA

DILI - Membru no kuadrus militante no simpatizante tomak husi Partidu Demokratiku triste, tamba lakon sira nia Presidente Partidu Demokratiku Fernando La Sama nebe mak durante nee sai hanesan figura ida nebe hamrik iha sira hotu nia oin.

Presidente Bankada Partidu Demokratiku, Maria Lourdes Bessa hatete, sira Laran triste tebes, tamba lakon Presidente Partidu nebe mak durante nee hamrik iha sira hotu nia oin.

Ita sei lahetan ona maun Fernando Lasama nebe nudar ema politiku iha fundamental imagen Partidu Demokratiku ninian, nebe durante nee hamrik iha ita hotu nia oin, maibee nudar maun ida laiha ida ke hanesan, nebe ami lakon buat ida bo’ot tebes, nebe sentimentu agora hanesan mamuk ida ke atu priensia fila fali nee susar,” dehan deputada Bessa ba jornalista sira iha PN, Dili, Tersa (02/06/2015).

Deputada Maria Lourdes Bessa mos akompania situasaun maun Fernando La Sama, desde evakua husi munisipiu covalima too mai iha ospital Dili.

Iha fatin hanesan Presidente bankada CNRT, deputadu Natalino dos Santos hatete, bankada Parlamentar ohin halo enkontru hodi fo votus pesada ba saudozu Fernando La Sama de Araujo.

Alende nee Administrador Distritu Ainaro Manuel Ramos liu husi telefoni ba STL katak, lori povu Timor Leste liu liu povu Municipiu Ainaro tomak nia naran, hato sentidu kondelensia pronfundu ba maun bo’ot Fernando La sama nebe husik ona mundu nee. Informasaun kompletu iha STL Jornal no STL Web, edisaun Kuarta (3/6/2015). Carme Ximenes

Suara Timor Lorosae