Antes Mate La Sama Rai Hela Mensajem, Joventude Tenki Hadomi Nasaun TL

DILI - Antes mate Fernando La Sama de Araujo rai hela mensajem ba Xefi gabinete katak atu kuidadu Gabiente Edukasaun nomos hatete ba joven Timor-Leste oan sira tenki hadomi nasaun ida nee, tanba nasaun sei persija ema.

Tuir Alexadrino Xavier Hanesan Xefi Gabinete Koordenador Asesor Ministeriu Edukasaun katak,  nia sempre akompana Ministru ba iha fatin neebe deit, tuir aktividade neebe mak nia haruka, neebe iha Domingo nee sira sai husi Dili ba Suai atu enkontru ho profesores sira nomos atu komemora loron nasional ba criancas iha dia 2 Juni.

Ami ba too iha Suai iha diskursu La Sama kolia foin iha klaran hau haree ba u nia oin komesa kamutis, maibe nia kontinua koalia, maske nia labele ona mos nia kaer nafatin mikro hodi kontinua koalia, koalia sente ba nia labele nee mak hau haruka nia tur, mesmu nia tur mos kontinua koalia, hodi fo lia fuan katak ba imi Suai oan sira tenki iha unidade, se bainhira imi laiha unidade se mak atu lori edukasaun ba oin,” katak Alxandre ba Jornalista, Tersa (02/06/2015) iha HNGV.

Tuir Alexandrino katak, sira koalia ona ho Primeiru Ministru matebian nia isin sei tau iha Dili,  iha nia uma Ailok-Laran, sai husi Ailok-laran, lori ba iha nia rezidensia Farol, depois lori ba fali Sede Partidu Demoktariku (PD), depois lori ba fali Sede Veteranus, Renetil, depois lori ba fali Parlamentu tanba nia uluk hanesan Prezidente Parlamentu, maibe atu ba parlamentu sei ba iha Ministeriu Edukasaun, tanba nia hanesan Ministru Edukasaun para atu fo ultimo omenazem ba funsionariu tomak.

Nunee mos Diretor Ezekutivu Hospital Nasional Guido Valadares Jose Antonio Gusmao Guteres hatete, horsehik meudia sira simu informasaun husi Diretor Ospital Suai, katak La Sama baixa iha Suai, tanba nia moras bainhira hatoo hela diskursu, depois dehan ulun moras, laran sae no mos tensaun alata.

“Ami rona dehan La Sama isin kolen oin nakukun, neebe haruka kedas mai iha Dili, tanba haree ba ho ambulansaia kleur sira organiza ba ho Aviaun, ministriu saude nian, hodi ba tula mai iha HNGV, mai too iha nee koko La Sama nia Kondisaun kritis tiha ona, ou la dun sadar ona, sira koko tensaun maibe nafatin hela iha 150/10, tanba nee sira koko fuan mos laiha problema ida, neebe sira halo fali cityscan, mak foin deskobre katak pendarahan iha kakutak boot tebes, entaun sira lori ba iha ICU,” dehan Jose. Informasaun kompletu iha STL Jornal no STL Web, edisaun Kuarta (3/6/2015). Guilhermina/ Lucia / Orlando

Suara Timor Lorosae