TRABALHADOR TIMOR OAN 39 ARANKA TAN BA KOREA

Diretur Jeral Empregu, Sekretario Estado Politika Formasaun Profesional no Empregu (SEPFOPE), Paul ALves, hateten katak, SEPFOPE, Segunda (22/06/2016) halo tan despedida ba trabalhador Timor oan hamutuk nain 39 ba iha Korea do Sul tuir koperasaun ne’ebe mak Governu TL halo ho Governu Korea.

“Ami halo despedida ba trabalhador Timor oan nain 39 ne’ebe sira atu ba tan iha Koreia do sul, sira ba ne’e serbisu iha area fakbrika ho peskas ninian, husi numeru ne’e ita haruka ona trabalhador hamutuk 2 mil, maibe iha 300 mak fila fali mai Timor ona, tanba kontratu remata,” informa Direktur Jeral Empregu, Paul Alves ba Jornalista sira iha ninia kna’ar fatin, Caicoli, Dili, Segunda (22/06/2015) hafoin halo despedida ba trabalhador sira.

Direktur Jeral dehan tan, iha semana oin mai sei haruka tan trabalhador nain hat nulu resin lima (45), numeru ne’e sei aumenta bei-beik, tanba bazeia ba pedidu ne’ebe mak iha, tinan ida ne’e ita labele atinji numeru ne’ebe mak sira husu, tanba numeru ne’ebe mak pasa iha exame lian koreia minimu tebes ne’ebe esforsu an hela atu formador sira hanorin diak liu tan lian koreia ne’e ba joventude sira.

Trabalhador ne’ebe mak atu aranka ba Koreia do Sul ne’e maioria husi Municipiu hotu, maibe Oecusse deit mak laiha.

Antes ne’e Direktur Jeral Empregu mos dehan dehan, Trabalhador Timor oan hamutuk nain 300 fila fali ona mai TL ne’e, tanba balun kontratu remata no mos mate, inklui balun tama ilegal entaun tenke deporta mai Timor, ami sempre hatene barak mak komete ilegal.

“Tuir dadus ne’ebe mak iha 1800 resin, 300 mak fila fali mai ona, sira ne’ebe mak sei ejiste iha ne’eba maka 1500, semana hirak liu ba balun kontratu hotu ona. Kada tinan pedidu husi Coreia do Sul sempre husu trabalhador Timor oan sira, dala ruma tinan ida sira husu 2 mil no tinan tuir mai hasa’e ba 3 mil depende ba ba sira atu husu,” nia dehan tan.

Paul Alves afirma tan katak, Iha tinan ida ne’e deit sira husu iha peskas nian 1.700 resin, ami hakarak hateten katak iha area peskas nian ne’e empreza Korea do Sul maioria mane, feto ne’e oitoan deit ita bele dehan pursentu tolu deit.

“Ami mos husu ona justifikasaun ona kona ba ida ne’e liu husi parte Governu Koreia do Sul ninia liu husi rekursus humanus ninia sira hateten katak ne’e patraun sira mak eskolha dereitamente hodi fo mai fali ita Timor hodi haruka ita nia ema ba, ne’ebe eskolha ne’e empreza sira ne’ebe mak fo serbisu ba ita nia trabalhador sira la’os Governu.

Trabalhador Timor oan hamutuk nain 300 fila fali ona mai TL ne’e, tanba balun kontratu remata no mos mate, inklui balun tama ilegal entaun tenke deporta mai Timor, ami sempre hatene barak mak komete ilegal.

Tanba ne’e maka foin lalais SEPFOPE ba halo enkontru ho sira husu katakuandu alin sira ne’ebe mak mai ikus karik halo sira para labele kondisaun ilegal, se tama ilegal ne’e defisil bot ida ba Timor, ita bele lakon koperasaun. Hanesan Vietname uluk tinan-tinan sira sempre haruka sira nia trabalhador 15 mil, mais agora labele ona, tanba sira hodi ro ilegal tama deit ba serbisu entaun kansela hotu, redus husi 15 mil to’o iha mil deit ona. Mia

Jornal Nacional