EDTL REKOILLA ONA RESEITAS $10.700.000.00

DILI - Serbisu Eletrisidade Timor-Leste (EDTL) tama iha tinan klaran hahu husi fulan Janeiru to’o mai fulan Juñu 2015 konsege rekoilla ona reseitas kuaze $10.000.700.00 (millaun sanulu rihun atus hitu dolar amerika). “Iha tinan kotuk deza sete to’o deza oito milhões, hau espera katak vinte ital milhões sei mai.

Ami mos kontinua esforsu re-instala liliu monta prepagu, tantu iha Dili inklui iha fatin fatin sira ne’ebé elerisidade kobre ona ba,” Primeiru Vise Ministru Óbras Públiku Transporte no Telekomunikasaun, Januário da Costa Pereira hato’o lia hirak ne’e ba jornalista Business Timor foin lalais ne’e. EDTL tenta esforsa nafatin sosa kontador prepagu ba fatin-fatin ne’ebé seidauk monta. Kontador prepagu ne’ebé horibainhirak hola ne’e la to’o. Tanba ne’e mak ba dadaun ne’e kontinua hola tan depois kontinua lao.

“EDTL halo esforsu nafatin, nune’e osan ne’ebé gasta reseitas mos bele tama fila fali para aban bainrua mai EDTL, labele depedensia nafatin ba iha governu, maibe bele sustenta an rasik,” Katak Vise Ministeru Januario. Enretantu banhira husu kona ba ligasaun ilegal ne’ebé kontinua akontese vise ministeru ne’e rekoñese iha ligasaun ilegal.  Vise ministru ne’e tenik, ligasaun ilegal dalaruma nasaun sira ne’ebé ukun an tinan atus ida ka atus rua mak laiha, maibe Timor-Leste foin ukun an tinan 13 tanba ne’e presiza mos komprende. 

Governante ne’e mos akresenta tan katak sira nia parte buka aprosima nafatin hodi esplika, tanba iha ne’ebé deit dalan ne’e hanesan ne’e. “Se karik ami mak la ba ne’e mak ami sala, maibe ami kontinua book an buka meus hodi aprosima katak sasan sira ne’e ita nian ne’ebé ita tenke uja tuir regra ida ne’e mak, ami tenta atu hadia no atu halo maibe tenki kondisiona sasan sira ne’e, laos la kohi tasa maibe ita sei ba tanba ne’e mak, realidade agora lao hela,” nia haktuir.  “Ami labele tama to’o uma laran, se tama to’o uma laran ne’e sala boot ne’e jestaun eletrisidade iha mundu tomak hanesan ne’e, tekniku sira ba to’o iha uma nia tatis, iha kuadru ne’e deit tanba regra ne’e hanesan ne’e, atu nune’e ami bele biabiliza nafatin ahi ne’ebé iha,”esplika nia. (BT)

Business Timor - Roly