UNICEF revela katak númeru labarik brazileira sira ne’ebé ema oho sa’e duplu

Númeru labarik no joven ne’ebé iha Brazil sa’e duplu iha tinan rua ikus ne’e, atinji mate 10.500 iha períodu entre 1993 no 2013, revela relatóriu Nasoins Unidas.

Relatóriu ne’ebé fó sai hosi Fundu Nasoins Unidas ba Infánsia (UNICEF) refere katak iha 2013, porezemplu, labarik no adolosente 28 mate loroloron, ne’ebé koresponde ho liu labarik ida iha kada oras.

Brazil okupa fatin daruak iha lista nasaun sira ne’ebé akontese oho sira ho tinan 19 ba kraik.

Dokumentu ne’ebé lansa hodi komemora tinan 25 Estatutu Labarik no Adolesente nian,hatudu katak labarik indíjena sira enfrenta doplu hosi probabilidade mate molok halo tinan ida.

Kona-ba edukasaun, relatóriu UNICEF nian revela katak labarik no adolesente brazileiru millaun tolu resin maka labá eskola iha ne’ebé maioria pertense ba komunidade kiak, indíjena no metan.

Mortalidade materna kontinua aas, mate 61 resin iha kada rihun 100 ne’ebé moris.

Iha parte seluk, taxa analfabetizmu entre joven sira hosi tinan 10 to’o 18 tun, hosi porsentu 12,5 ba porsentu 1,4.

Verifika mós redusaun iha servisu infantil.

Entre 1992 no 2013, númeru labarik no adolesente to’o tinan 15 halo tipu servisu ruma tun hosi millaun 5,4 millaun ida resin.

SAPO TL ho Lusa