REFORMA REJIME FISKAL TENKI FO BENEFISIU BA POVU

DILI - Xefe departamentu Estudu Dezenvolvimentu Institusaun of Business (IOB), Juviano Xavier konkorda ho Politika governu atu  halo reforma rejime fiskal maibe importante tenki fo benefisu ba povu nasaun doben Timor-Leste. Tui akademiku ne’e katak politika governu idak idak nian sempre la hanesan no sempre iha mudansa tanba ne’e atu halo reforma rejime fiskal tenke ho intensaun atu lori nasaun ne’e ba iha prospiedade no vida ida ne’ebé diak liu iha futuru.

Nia dehan disizasaun ne’ebé lideransa sira foti importante reforma fiskal tenke haree mak iha aspeito makro nomos influensia  tanba  konsektu mikro haree liu ba iha partisipasaun komunidade iha Timor-Leste, bainhira governu atu halo reforma komunidade tenke hetan benefisiu husi reforma ne’e. “Husi parte akademi haree katak normalmente iha nasaun ne’ebé deit iha mudansa bazea ba iha kondisaun lalaok ekonomia nivel nasional liga ba ekonomia global tanba ne’e Timor-Leste hanesan nasaun foun ita mos tama ona iha faze merkadu livre no sirkunstansia globalizasaun ekonomia,”Dehan Juviano.

Nia dehan hakarak ka lakohi tenke reforma buat balun tuir disizasaun ne’ebé mak iha hodi bele setor sira ne’ebé iha rai laran bele eleva ekonomia nasional intermos oinsa bele garante vida povu nian ne’ebé diak nomos prospiedade no forte liu. “Rejime fiskal ne’ebé haree husi aspeitu tolu hanesan reforma tributaria, Taxa no Ekonomia, husi akademi nia haree iha parte tributaria halo ita konfuzasaun uituan uluk antes governu hamosu lei tributaria husi sira parte supllayer sente la fo kondisaun ba sira tanba taxa ne’e boot teb-tebes depois governu hamosu tributaria tasa sira ne’e hatun uituan maibe realidade iha nivel merkadu sasan balun nia folin saé, tanba ita konsidera katak produtu sira maioria ita importa husi rai liur hodi halo folin sasan sae iha merkadu,” katak nia.

Tuir nia katak reforma taxa wainhira governu hasaé mak iha partisipasaun komunidade makas tanba iha vida emprendedorismo nomos negosiu kiik sira otomatikamente lao tanba taxa nia kontribuisaun husi komunidade lokal nomos estranjeiru. Juviano prekupa kona-ba politika governu nia atu halo reforma fiskal hodi atinji metas sira ne’ebé mak iha defisil uituan ho politika governu hodi halo mudansa signifikativu ba iha reforma 3 ne’e tanba governu ida ne’e hela tinan ida deit ona maibe garante katak bele rai hela buat balun ne’ebé diak hodi governu foun  mai  bele kontinua.

Tan ne’e importante atu reforma fiskal tenke tuir mehi ne’ebé iha tenke iha kolaborasaun ne’ebé mak diak hodi nune’e bele lori benifisu ba iha povu no nasaun Timor Leste. “Tan ne’e hau nia sujestaun ba iha governu wainhira atu halo reforma rejime fiskal governu tenke diversifika ona Timor-leste nia ekonomia non Petroliferu komesa haree potensial ne’ebé mak durante ne’e lao hodi bele hadia serbisu sira hanesan seitor agrikultura, seitor pekuaria, seitor peskas , seitor turismu nomos liu-liu taxa,” hateten nia. (BT)

Business Timor - Pedro