IGREJA KATOLIKA PREOKUPA, LABARIK KOMESA IZMOLA IHA LURON

Igreja Katolika hatudu preokupasaun bo’ot ba fonemena foun ohin luron iha Timor ukun an ida ne’e, kona-ba labarik barak maka tuun ona ba luron laran ho loja ninin sira iha Dili laran hodi husu izmola.

Bispo Diocese Baucau nudar mos Administrador Apostolico Diocese Dili, Mgr. Basilio do Nascimento, hakfodak tebes haree fenomena foun ne’e, tanba iha Timor ukun an ne’e, labarik barak maka husu ona izmola iha luron laran no loja ninin sira iha Kapital Dili.

“Iha foho seidauk iha, maibe Dili komesa ona labarik sira husu izmola iha luron no labarik balun komesa na’ok iha tempu loron,” afirma Dom Basilio do Nascimento, iha nia diskursu wainhira partisipa iha serimonia komemorasaun tinan 200 Don Bosco, ne’ebe selebra iha Don Bosco, Comoro, Dili, Sabadu (29/8/2015).

Ho situasaun ne’e, Dom Basilio husu ba familia Salesiano nudar Komando uma kreda nian atu analiza fenomena labarik sira ne’ebe maka izmola iha luron laran no balun komesa naok ema nia sasan iha tempu loron.

Lider Igreja katolika nee mos fo ezemplu nasaun sira dezenvolvidu balu nebe labarik sira sai naok ten tan tanan deit no kriminozu tan tanan.

Dom Basilio hateten, tinan 200 Dom Bosco ne’e halao Salesiano oan sira goza, maibe presiza atensaun ba situasaun foun ne’e.

“Deskulpa hau fo todan ida ne’e. Tinan 200 ne’e imi goza, maibe situasaun foun ohin loron nian mosu buat lubuk ida, maibe ikus liu parabens ba familia Salesiano, obrigado ba familia Salesiana halo ba Igreja Timor,” tenik Dom Basilio.avi

Jornal Nacional