Jornalista barak iha HNGV triste sedauk hetan deklarasaun ofisial hosi estadu

 

Dili - Jornalista Timor oan barak hein hela iha HNGV, balun toba kalan tomak iha HNGV, desde Mauk moruk nia mate isin desloka horseik hosi Venilale maibe to agora seidauk iha ofisial ruma hosi governu fo sai informasaun lolos ba publiku.

Jornalista sira tenta kontaktu ba Instituisaun relevante, nota katak sei iha hela preparasaun, ba situasaun ne’e jornalista sira nakonu hotriste tanba laiha atendementu diak. “Bain bain sa iha press conference, iha situasaun agora publiku sei nakonu ho duvida ba informasuan lolos hosi governu,” tenik Jornalista senior ida iha HNGV.

Segurnsa iha HNGV oras nee lao hakmatek hanesan bai bain, no hetan seguransa makaas hosi autoridaade seguransa Polisia no FFDTL, iha mos pasa revista ba kualker transporte nebe mak tama ba HNGV.

Entretantu, Familia Matebian Paulino Gama alias mauk moruk seidauk koalia ba publiku, tanba sira iha situasuan tristeja nia laran, I haruka jornalista sira fila hosi L7 nia residensia.

Rona katak familia hosi mauk moruk nebe hela iha Bidau mota klaran iha residensia L7 ninia uma atu halo konferensia imprensa maibe kansela iha tuku 10 ho balun. “alin sira imi fila lai, tanba ema barak sei triste inklui joven barak mak triste hela no imi fila det,” hateten Familia MM ba jornalista sira Domingo, (09/08)

Governu Timor-Leste liu husi Ministru Estadu no Prezidénsia Konsellu Ministru no Portavós Ofisiál Governu Timor-Leste, fo hatene sai ba publiku kona ba Prezidenti Konsello Revolusaun Maubere )KRM), Paulino Gama alias Mauk Moruk ninia mate.

“Mauk Moruk hetan mate ona husi Operasaun Konjunta”, hakerek iha Komunikadu de imprensa ne’ebe fo sai husi gabinete Ministru do estadu do Prezidencia Konsello dos Ministru. Tuir nota de imprensa ne’ebe hakerek iha lian portuges ho Ingles ne’e hateten katak mosu tiru malu iha area Fatulia ne’ebe tuir lian area ne’eba hakerek Watulia. (tp)

Timor Post