SUBSTITUI NAKROMA, GOVERNU GARANTE KONDISAUN LIBERTY

Governu garante kondisaun ro Liberty 1 ne’ebe maka substitui ro Nakroma hodi halo atendimentu viazen Dili-Oecuse no Atauro.

Vise Ministru Obras Publika no Transporte Komunikasaun (MOPTK), Inaçio Moreira, ró Liberty I ne’e Governu deside atu lori mai para subtitui ró Nakroma ne’ebé tenki ba halo manutensaun liu husi prósesu ida, laos prósesu administrativu deit maibe halo mós prósesu tekniku ida.

Antes ro Liberty I mai TL, hateten Inacio, Governu haruka ekipa ida ba halo uluk berifikasaun no priense kriteriu hotu, infelsimente roo ne’e nia tinan produsaun iha 2000 mai leten.

Inacio esplika katak, momentu neba iha próposta 8, maibe ikus iha deit proposta 2 hodi deside iha agora ne’e maka priense kriterius.

“Hau rasik mós ba haree katak, ro Liberty I ne’e iha duni kondisaun para bele halo operasaun temporariu iha fulan balu nia laran bainhira ita nia ró Nakroma ba halo manutensaun,” hateten Inacio Moreira ba jornalista sira iha nia servisu fatin, Kinta (06/08/2015).

Ro Nakroma, tuir Inacio, presiza tempu halo manutensaun, tanba ne’e Governu seidauk termina to’o bainhira maka ro Liberty I atu halo operasaun. Maibe, Governu tau osan aluger US$ 193.000/fulan.

Direitor husi Departemento Apróvizionamento, Róserio de Lima informa ba hau komesa halo anunsiu ona, ita hein katak kompana sira ne’ebé interesado sira mai submete sira nia dokumentus depois hodi halo avaliasaun,”nia afirma.

Aleinde halo avaliasaun, nia dehan, iha tan fali ekipa ida ne’ebé sei aranka para haree kondisaun docking ne’e lolos ne’e hanusa, tenki iha kondisoens ne’ebé maka diak para nune’e ró ne’e ba halo kedas manutensaun.

“Hau hakarak informa kuandu ró Nakroma fila fali, sei mai kedas ho ita nia bandeira rasik tanba ita nia dekreitu lei rejistu ba navios ne’e oras ne’e dau-dauk iha hela Konselu Ministru para depois atu halo apróvasaun,” Inacio hateten.

Ba manutensaun ro Nakroma nian, Inacio informa katak, Governu aloka US$ 600.000, mais sei haree, tanba sei halo manutensaun total. Nune’e, karik iha adisional ruma konserteja Governu sei haree, maibe importante liu maka ne’e ró ne’e fila fali mai ho kondisaun ida ne’ebé diak liu. ita/mia

Jornal Nacional