GOVERNU SEI REGULA EMA UZA INTERNET

Governu liu husi Ministeriu Obras Públika no Transporte Komun ikasaun (MOPTK), sei kria lei ida hodi regula ema sira ne’ebé maka durante ne’e uza internet la tuir ninia dalan liu-liu Facebook.

“Agora hanoin atu prepara mais ita nia kodigu penal ne’e mós iha fó marjen para hare, espesifiku liu maka seidauk, maibé iha kodigu penal ne’e iha ona para bele hare hanusa maka bele hare ba krimi iha komunikasaun ninian,”Segundu Vise Ministru Obras Publika no Transporte Komunikasaun (MOPTK), Inaçio Moreira informa ba jornalista sira iha nia servisu fatin Caicoli, Kuarta (09/09/2015).

Bainhira maka kria lei ne’e, eis Deputadu FRETILIN hatan hodi dehan, governu tenki halo urjente. “Hau fó ona orientasoens politikamente atu bele lalais para iha komunikasaun sosial ne’e iha defamasaun ruma, liafuan balu koalia ladiak ba ita nia lideransa sira, hau hanoin tenki toma aktu ruma, halo aktu ruma para hare, se maka hanesan koalia arbiru tenki simu ninia konsekuensia,” Inacio hateten.

Nia hatutan, oras ne’e dau-daun nia orienta ona ninia Direitor IT hodi hare kona-ba asuntu ne’e para bele rezolve.

Antes ne’e, Direitor Ezekutivu Judisiario Monitoring Program (JSMP), Luis Oliveira Sampaio hatete, ema ne’ebé maka sai vitima iha defamasaun iha media sosial bele lori autor ba iha prosesu sivil.

Diretór AJAR, José Luis Oliveira dehan tan, lei forte tebes hodi kriminaliza se deit maka komete krimi, mais kestaun maka durante ne’e ukun nain sira maka komete krimi uluk, hanesan duni juis sai ba sira nia nasaun ne’e krimi. Iha lei atu kondena ou lae, iha mais implemnetasaun lei maka laiha.

Tuir nia katak, bainhira bo’ot sira la komete krimi uluk maibé justisa formal la lao, nia konsikunsia maka agora justisa social hahu mosu, tanbá justisa formal ukun nain sira gosta Hegemoni tiha. Maun bo’ot sira kontrola hotu justisa la lao, klaru ema tenki ba justisa social. mia

Jornal Nacional