Kombate Droga, Fretilin Husu PM Rui Labele Dukur

DILI - Atu Kombate droga iha rai laran susar tamba oras nee parte intelejensia kontinua fraku, tan nee Bankada Fretelin iha uma Fukun Parlamentu Nasional husu Primeiru Ministru Rui Maria de Araujo labele dukur tenki fo atensaun. 

Tuir Deputadu Bankada Fretilin Manuel Castro katak transaksaun droga iha rai laran, tamba sala husi parte intelejensia tamba koalia dala barak ona tan nee husu Primeiru Ministru atu hare ba kestaun nee.

Primeiru Ministru Labele Matan Dukur, labele tau ema ida deit atu asegura buat hotu iha rai laran, primeiru ministru tenki matan mos ba kestaun droga nebe lai iha ita nia rai laran,” dehan Manuel ba STL Kuarta (02/09/2015) iha Uma Fukun Parlamentu Nasional.

Nia hatete failansu nebe mak mosu iha Kintu Governu atu hadia iha Sestu Governu maibe Primeiru Ministru foun la hadia, tan nee husu governu liu-liu primeiru Ministru atu hare ba aktividade transaksaun droga iha rai laran.

Iha fatin ketak Diretur Asosiasaun Hak Manuel Monteiro hatete lei kombate droga forte maibe implementasaun lei nee mak ladiak, nomos autoridade nebe mak implementa lei nee mos kometa iha aktividade droga. Informasaun kompletu iha STL Jornal no STL Web, edisaun Kinta, (3/9/2015). Timotio Gusmao

Suara Timor Lorosae