Sidadaun Indonesia Simu Osan Idozu, Tenki Investiga Lider Komonitaria

DILI - Refuziadu Timor oan nebe oras nee hela iha Kupang, kuaze nain 200 simu osan Idozus husi Nasaun Timor Leste, tan nee Reprezentante Povu iha uma fukun Parlamentu Nasional (PN) husu investiga Klean ba kazu nee.

Deputadu Bankada Fretilin Manuel Castro katak tuir nebe maka iha Sidadaun Timor oan nebe hela iha Timor maka iha direitu simu osan idozus, maske sira mos Timor oan maibe oras nee sira ho nasionalidade Indonesia.

Ita tenki halo Investigasaun klean ida ba xefi suku sira nebe mak hatama ema nia naran, tamba falsifika husi xefi Aldeia no xefi suku sira,” dehan Manuel ba STL, Kuarta (02/09/2015) iha PN.

Nia hatete sidadaun Timor oan nebe mak ho nasionalidade Indonesia nomos nasaun seluk sira laiha direitu atu simu osan Pensaun ba Idozus sira nian, sala nebe mak iha mai husi xefi suku sira tamba husi xefi suku mak hetan kartaun eleitoral.

Iha fatin hanesan Deuputadu Bankada CNRT Antonio Cerpa hatete sira Timor oan nebe mak halai ba Indoensia laos ona sidadaun Timor, sira ema timor mais sidadaun Indonesia, sira iha KTP Indonesia laiha direitu osan ba idozus. Informasaun kompletu iha STL Jornal no STL Web, edisaun Kinta, (3/9/2015). Timotio Gusmao

Suara Timor Lorosae