Livru analiza "imobilizmu" hosi Salazar iha Timór no Angola

Atake rua ba antigu kolónia portugés sira nian, iha kontinente nebe la hanesan, haketak hosi tinan 20, enkara hosi rejimi Oliveira Salazar nian hanesan idéntiku "imobilizmu no falta kuidadu", hatete hosi istoriadór militár ida, David Martelo, iha nia livru foun.

Iha fulan-Dezembru 1941, tropa australianu no holandés sira tama iha kolónia portugés nian iha Timór, ho justifikasaun atu hadook ameasa japunés sira iha teritóriu ne'e. No bainhira, liutiha tinan 20, hahú funu hasoru prezensa portugés nian iha Angola, António de Oliveira Salazar, iha tempu ne'ebá nu'udar Prezidente Konsellu nian, hatán hanesan nia halo ba Timór iha tinan 1941 - iha reasaun "ladi'ak" no laiha efikásia.

"Iha imobilizmu no laiha kuidadu iha kazu rua ne'e", konklui hosi koronel iha rezerva David Martelo, iha nia livru foun, “A Imprevidência estratégica de Salazar”, nebe sei lansa iha fulan ne'e iha Lisboa.

"Iha avizu loloos sira katak iha problema sira [iha Timór no iha Angola], iha relatóriu sira hosi governadór sira, no hanesan kuriozu katak Salazar, nebe iha tinan 1960, halo ona diskursu triste nebe alerta ona ba nesesidade hodi iha fakar ra'an", hatete hosi autór ne'e ba ajénsia Lusa.

"Maibé nia nunka reaje ba avizu sira ne'e", David Martelo hatutan.

Autór defende katak falta transparénsia no ditadura nebe nasaun hetan permiti atu ema lahatene kona-bá atuasaun sira hanesan ne'e no laiha konsekuénsia.

"Iha nasaun demokrátiku ida, kazu ida hosi kazu rua hanesan ne'e sei sai eskándalu boot ida", Martelo hatete no fó ezemplu ba senáriu ida ho interogasaun ida iha karta nebe ministru Defeza iha tempu ne'ebá, Santos Costa, haruka ba Salazar: "Saida maka Nasaun sei hanoin kona-bá ita, bainhira hatene lia-loos tomak?"

Istoriadór ne'e halo rezumu katak "domin boot hosi Salazar ba Impériu iha rivál boot ida nebe maka Orsamentu".

Nia esplika katak ne'e hanesan razaun nebe iha Timór, iha 1941, no mós iha Angola, iha 1961, laiha meiu militár sira nebe hametin defeza mínimu ida hosi kolónia rua ne'e.

David Martelo, tinan 69, hanesan koronél hosi ezérsitu iha reforma, partisipa iha movimentu hosi kapitaun sira nebe hamosu 25 Abril 1974. Nia publika ona livru sira hanesan “O Exército Português na Fronteira do Futuro” no “O Cerco do Porto”.

SAPO TL ho Lusa