Deskonfia Membru Governu Balun Naok Povu Nia Animal

DILI - Deskonfia membru Sestu governu Konstitusional balun hamutuk ho Oknum Polisia Nasional Timor Leste (PNTL) naok povu nia Animal hanesan karau Iha Munisipiu Liquisa.

Tuir Deputadu bankada CNRT Cesar Valente hatete komesa iha Jeneiru too agora povu ninia karau lakon hela deit, no iha Fevereiru karau 6 ona mak lakon no konsege hare karau rua mak kanek tamba hetan tiru.

Ema neebe maka naok no tiru karau povu koinese ema neebe mak tiru no sira atu kesar maibe tauk, ema neebe tiru povu nia karau nee Ministru Balun hamutuk ho Polisia sira ba tiru karau iha tempu kalan, presiza naran ita bele koalia,” dehan Cesar liu husi Sesaun plenaria (08/02/2016) iha Parlamentu Nasional.

Deputadu nee husu ba Povu kuandu membru governu hamutuk ho polisia tiru tan povu ninia animal husu atu taka dalan, no lori kilat bele kontaktu deputadu nee atu hare no prende futu mak lori ba parte kompatente.

Iha fatin hanesan deputadu bankada Fretilin Eladio Faculto hatete deskonfia membru governu neebe mak tiru povu ninia animal, tenki investiga didiak kuandu lori kilat hodi tiru povu ninia karau atu han tamba naan iha uma la iha.

Hatan ba Preokupasaun nee Sekretaria estadu Asuntu parlamentar Maria Terezinha Viegas hatete nia parte sei hatoo preokupasaun neebe mak deputadu sira hatoo ba iha instutusaun relevante, hodi nune bele halo investigasaun. Informasaun kompletu iha STL Jornal no STL Web, edisaun Tersa (9/2/2016). Timotio Gusmao

Suara Timor Lorosae