Membru
Parlamentu (MP), Deputada Ilda Maria da Conçeicão, hateten agora dadaun lingua
ensino iha sistema edukativu sai konfusaun bo’ot tanba uza lingua tolu
(materna, Tetum no Portugues) hodi hanorin no produs livrus disiplina ba profesores
no.
Nia
dehan, iha lei numeru 14/2008, lingua ensino do sistema edukativu hateten klaru
ona katak Portugues lingua ensino eskrita no Tetum oral, katak Tetum so bele
uza introdus material ba estudante sira, la’os produs livrus ba estudantes sira
ho lingua Tetum.
“La’os
ita lakohi ita nia oan sira aprende ita nia lian maternal no Tetum, maibe ita
hakarak ita nia oan nia futuru diak, tanba sira la’os estuda iha rai laran
deit,” Deputada Ilda kestiona iha plenaria Parlamentu Nasional.
Nia
hateten, nia hakfodak bainhira vizita eskolas iha munisipio Baucau haree livru
ne’ebe Ministerio Edukasaun (ME) distribui ba eskolas ho lian Tetum, tanba tuir
lei Tetum so bele uza halo esplikasaun deit.
“Ita
fo formasaun lingua Portugues ba profesor sira atu hanorin estudantes ho lian
Portugues, maibe ita produs livru ho lingua Tetum,” nia lamenta.
Iha
tinan 2015, nia hateten, ME produs livrus disiplina hotu (matematika, siensia
sosial, biologia, saude no hijiene) ba professores klase hat ho lian Tetum,
ne’ebe distribui ona ba profesores sira hodi hanorin estudantes.
Kona
ba kualidade ensino, nia dehan, sei fo impaktu bo’ot ba futuru Timor oan sira
nian atu kontinua estudu iha nasaun seluk.
Hatan
ba kestaun ne’e, Diretor Nasional Asaun Sosial Eskola ME, Belchior R. A.
Barros, hateten livru ba primeiro ano to’o kuatru ano ne’e ho lingua Tetum hodi
labarik sira bele komprende diak liu tan materia sira ne’ebe iha.
“Meus
ida mak ita uza lingua Tetum hodi hanorin no sira mos iha materia Portugues,”
Diretor Barros esplika.
Kona
ba politika no desizaun ne’ebe foti iha ministerio laran hodi fo formasaun
Portugues ba profesores sira hodi hanorin maibe produs livru ba profesores no
studantes ho lingua Tetum, nia dehan, ne’e kompetensia superior sira nia.
The
Dili Weekly
Sem comentários:
Enviar um comentário