Hakerek
nain Cesario da Silva*, opiniaun
Dili,
Radio Liberdade Online - tuir rejultadu sensus 2010, hatudu katak sidadaun
defisiénsia iha Timor Leste hamutuk nain-48.243, hosi total populasaun
1.066.409. Sidadun ho defisiénsia kompostu husi defisénsia matan, defisiénsia
fisiku, defisiénsia tilun no defisiénsia intelektual/moras mental.
Defisiénsia
mak grupu ida ne’ebe marzinalizadu iha sosiadade nia laran, defisiénsia maioria
afeita hosi pobreza, dezastre, mal pratika no mos genetikamente.
Ema
ho defisiénsia dala barak hasoru obstaklu sira hanesan diskriminasaun,
tratamentu aat no abandona hosi familia no komunidade.Haree ba asuntu ne’e
direitu sidadaun ho defisiénsia presiza duni atu estadu parte tenke tau matan,
dala barak asuntu ne’e ignora tiha mak rejulta ema ho defisiénsia iha Timor
Leste maioria la asesu ba edukasaun, saude, informasaun, empregu no justisa.
Tamba deit seidauk iha mekanismu ida ne’ebé diak hodi dezenvolve ema ho
defisiénsia nia partisipasaun iha aspeitu hotu iha Paiz ne’e.
Asosiasaun
Defisiénsia Timor Leste (ADTL) hanesan organizasaun sumbriña ida ba
organizasaun ema ho defisiensia no individu ho defisiensia iha Timor Leste ho
objetivu atu promove no proteje direitu sidadaun ho defisiénsia iha Timor
Leste. Organizasaun ne’e hari’I iha tinan 2004 hanaran Disability Working Group
(DWG) ne’ebé tuir-mai iha 2013 transforma ba ADTL.
Dadauk
ne’e ADTL iha nia organizasaun membru hamutuk 18 mak hanesan Ra’es Hadomi Timor
Oan (RHTO), The Leprosy Mission Timor-Leste (TLMTL), Hadomi Defisiénsia
Matan Timor Leste, East Timor Blind Union (ETBU), Centro Nasional
Rehabilitasaun (CNR), Pradet, Alma Sister, Klinika Uma Ita Nian Aileu,
Katilosa, Ahisaun, Klibur Domin, Plan International, Word Vision, Agape,
CentruLiman Hamutuk Hera, Kongregasaun PMY Buruma, CentruJoão De Deus Laklubar
no Fuan Nabilan Same. Sidadun ho defisiénsia iha Timor Leste hamahan a’an iha
organizasaun hirak ne’ebe serbisu ba ema ho defisinsia atu bele defende no
proteje direitu ema ho defisiénsia nian, mak dadauk ne’e ADTL hala’o ona
serbisu lubuk ne’ebé atu responde ba nesesidade ema ho defisiénsia iha Timor
Leste, mak liu hosi divizaun sira hanesan capacity building, empowerment
(hakbi’it organizasaun) no advokasia, atu defende no promove direitu sidadun ho
defisiénsia nian hodi partisipasaun iha aspeitu hotu-hotu iha Timor Leste.
Asosiasaun
Defisiénsia Timor Leste liu hosi divisaun hirak ne’e nia kna’ar mak atu alkansa
objetivu hirak hanesan implemetasaun planu asaun nasionál ba ema ho
defisiénsia, estabelese konseilu nasionál ba ema ho defisiénsia, proteje
direitu ema ho defisiénsia, promove partisipasaun ema ho defisiénsia iha
aspeitu hotu-hotu, hasa’e públiku nia konsensia ba ema ho defisiénsia, no
retifikasaun konvensaun ONU ba direitu ema ho defisiénsia (UNCRPD) UN
convention right of people with disability.
Haree
ba enkuadramentu legal hanesan lei internasional konvensaun direitu humanus
katak sidadaun hotu iha direitu ne’ebé hanesan la iha diskriminasaun ba ema
ida, la hare ba ras, suku, relijiaun no kondisaun fijíku. Nune’e mos
konstituisaun Repúblika Demokratika Timor Leste, artigu 16 koalia kona-ba
Universalidade no Igualidade, aliña primeiru sidadaun hotu-hotu hanesan iha lei
nia oin, iha direitu hanesan no iha dever hanesan, Nune’e mos artigu 21 ne’ebe
spesifiku kona-ba Sidadun ne’ebe iha Defisiensia aliña primeiru sidadaun ho
defisiensia iha direitu no obrigasaun hanesan ho sidadaun sira seluk, nune’e
mos aliña 2 Estadu bele promove no proteze sidadaun ne’ebe ho defisiensia. Nune’e mos rejulusaun governu nú 14/2012 ne’ebé aprova ona polítika nasionál
kona-ba inkluzaun no promosaun direitu ema ho defisiénsia ho objetivu atu
promove partisipasaun ativu no hadi’a kualidade moris ema ho defisiénsia nundar
kontribuisaun ba prosesu dezenvovimentu sósiu ekonómiku Timor Leste, define
area intervensaun hodi prevene, trata, rehabilita no integra ema ho defisiénsia
no harií mekanismu kordenasaun ne’ebé diak ba asuntu ema ho defisiénsia. Liu
hosi politika nasionál ne’e hamosu ona planu asaun ba politika nasional refere,
maibe kestaun agora
makplanuasaunnasionálrefereseidaukhetanaprobasaunhosikonselhuministru ho
idane’emakministeriu no sekretariu estadu relevante seidauk implementa politika
ne’e ho diak. Ho kestaun hirak ne’e mak sujere governu Timor Leste bele aprova
planu asaun hodi fo oportunidade ba ema ho defisiensia hodi partisipa iha
dezenvolvimentu nasional.
Ligadu
ho aspeitu direitu humanus, legislasaun no enkuadramentu nasional sira estadu
parte tenke buka ona meius ida ne’ebé diak atu responde ba nesesidade ema ho
defisiénsiaiha Timor Leste no mos estadu parte tenke konsiderasaun katak
komponente importante sira hodi alkansa dezemvolvimentu iha seitor defisiénsia
nian, asuntu ne’e importante tebes se lae ita la refleta valores ukun rasik
a’an (independensia) Timor Leste nian, tamba sidadaun ho defisiénsia sira nia
direitu ignora, la implementa programa ne’ebe ligadu ba ema ho defisiensia sira
ho diak, nafatin iha bareira ne’ebe bo’ot tebes hanesanbareira ambiental no
bareira atetude hasoru sidadun ho defisiensia.
Hakerek
nain Cesario da Silva
Coordinator
Advokasia no InklusaunSosial
Asosiasaun
Defisiénsia Timor Leste (ADTL)
No.Kontaktu
+670 77557355
*Rádio
Liberdade Dili
Sem comentários:
Enviar um comentário