Grupo Tekniko Inter Ministerial Makina Ba Ministeriu Hotu

Dili, Radio Liberdade Online - Atu asegura koordenasaun orgauns no servisus husi administrasaun direita no indireita Estadu nian hotu ne’ebe intervem ba iha formulasaun ezekusaun politika desentralijasaun administrative no poder local nune’e iha loron 23/5/2016, Primeiro-Ministro, Rui Maria de Araújo fo tomada de pose ba Membru Grupo Tekniko Interministerial ne’ebe realija iha Ministeriu Estatal, iha PM nia deskursu haktuir papel kada Ministeriu nian iha prosesu dejentralijasaun administrativas.

“Ita hotu abituadu servisu iha Ministeriu sira ho poderes konsentradus, desijaun hotu atu halao iha Munisipiu tenke liu husi Ministerius maibe atu hahu deskonsentrasaun ne’e, ita fahe ba rua definisaun de politikas ka buat ne’ebe mak bolu dehan kebijaksanaan, mantein iha Ministeriu iha setores ida-idak maibe nia implementasaun operasional Municipiu sira mak tenke halo, naun fas sentidu manutensaun motorijada ida tenke lori mai to’o Dili mak halo, manutensaun kareta ida tenke lori mai to’o Dili mak halo, atu halo prestasaun servisu de saude ba iha sucu ka ba iha aldeia ruma tenke Dili mak deside hafoin mak Municipiu halao, atu hare ba merenda escola iha Municipiu nia laran tenke Ministeriu Edukasaun mak foti inisiativa hafoin Munisipiu halo tuir deit, ida ne’e labele kontinua, papel Ministeriu nian, ida difini politikas, rua fo apoiu tekniko ba Municipiu sira atu implementa politika sira ne’ebe mak defini tia ona, ida ne’e responsabilidade adisional ba Ministeriu sira, Ministeriu sira tenke hatene saida mak politika setorial ne’ebe iha ita bo’ot sira nia area e Ministeriu sira tenke hatene oinsa atu transforma politika ne’e ba iha realidade iha Municipiu ida-idak,” PM realsa.

Iha fatin hanesan, Ministro de Estado, Coordenador dos Assuntos da Administração do Estado e da Justiça e Ministro da Administração Estatal, Dionísio Babo Soares, iha nia diskursu hateten persija esforsu hamutuk atu meliora servisu ho diak liu ba povu, “inportante tebtebes ita esforsa atu obstaklu ne’ebe mak mosu iha prosesu desentralizasaun administrativa ne’ebe mak sei iha membro Governu hotu-hotu hanesan mos dirijente superior administrasaun publika, tenke hamutuk, ita esforsa hamutuk ho determinasaun atu bele kontinua servisu de forma kordenada administrasaun local, Estado sei forte liu tan e despoina rekursu ne’ebe la iha atu bele milora servisu ba ita nia sidadaun liu-liu ba intreses espesifiku eskada komunidade Munisipal iha kuadru estratejia dejenvolvementu nasional ninian.”

Iha fatin hanesan Vice Ministro Administração Estatal, Tomas Cabral iha nia diskursu hateten, Grupo Tekniko Inter Ministerial nebe Simu tomada de Posse hanesan makina ba Ministeriu hotu hotu, “Grupo Tekniko Inter ministerial ne’e nia kompojisaun tuir dekretu  Lei numeru 3 de 2016, Grupu Tekniko Interministerial sai makina ba Ministeriu hotu-hotu, Grupo Tekniko Interministerial sai faktor determinante ba deskonsentrasaun lao ba desentralijasaun, Grupo Tekniko Interministerial sei servisu hamutuk ho  Grupo Tekniko Permanente e sei servisu makas liu ho Administrador sira ho Konselho Konstrutivu ne’ebe fo tia ona posse iha 2014.”

Rádio Liberdade Dili