DILI
- Oknum Polisia Nasional Timor Leste (PNTL), neebe baku membru F-FDTL iha
Laulara, oras nee Komandu suspende ona membru PNTL Nain 14 husi Unidade
Espesial Polisia (UEP).
Tuir
Komandante Jeral PNTL, Komisariu Julio da Costa Hornay hatete, membru PNTL nain
14 suspende hodi hein prosesu investigasaun.
Hau
nia membru nain 14 neebe involve iha kazu nee, hetan suspensaun preventiva sein
armas sein farda (la uza farda no kilat), hodi komete ba iha prosesu
investigasaun ida mak komandu foti ona,” dehan KOMJER Julio ba jornallista sira
iha nia knar fatin Kuartel Jeral PNTL, Caicoli Dili, Segunda (23/05/2016).
Nia
haktuir katak, medidas neebe komandu foti, sei troka mos komandante kompania
Charles iha UEP ho komandante balun neebe mak liga ba kompania nee, no hein mos
rezultadu investigasaun mak komandu foti medidas mais forte.
Iha
sorin Seluk, Prezidente Komisaun B Parlamentu Nasional (PN) neebe trata asuntu
seguransa Defesa, no Negosiu Estranjeru, Deputadu David Dias Ximenes hatete,
forsa rua nee laos atu buka baku malu deit, maibe tenki halo koordenasuan ba
kooperasaun serbisu.
Nunee
mos Deputadu Cesar Valente hatete, Problema neebe mak akontese hanesan forsa ho
Polisia Nasional baku malu, nee komandu mak tenki foti medidas bazeia ba kazu
saida mak sira komete. Informasaun kompletu iha STL Jornal no STL Web, edisaun
Tersa (24/5/2016). Lucia Ximenes
Suara Timor Lorosae
Sem comentários:
Enviar um comentário