Kazu Zumalai PNTL Kaptura Suspetu Nain 13

DILI - Prosesu ba kazu neebe foin lalais akontese iha Postu Administrativu Zumalai Munisipiu Covalima (Suai), kaptura ona suspeitu nain 2, no mate isin entrega ona ba familia.

Tuir Komadante Jeral Polisia Nasional Timor Leste (PNTL), Komisariu Julio da Costa Hornay hatete prosesu ba iha kazu neebe akontese iha Zumalai, oras nee PNTL husi Zumalai halo ona kapturasaun ba iha suspeitu nain 2.

Kronolojia husi akontesementu, konfrontasaun entre joven ho joven sira iha neba, depois hodi halo Vitima Afonso Alves mate iha fatin, tanba konfrontasaun entre joven sira nee,” dehan KOMJER ba jornallista sira iha nia knar fatin Kuartel Jeral PNTL Caicoli Dili, Segunda (23/05/2016).

Nia informa tan katak, ba prosesu nee rasik mos rejista ona iha Ministeriu Publiku (MP) Suai, hodi hein prosesu investigasaun ba iha suspeitu nain rua neebe mak oras nee PNTL halo ona kapturasaun.

Liu husi prosesu investigasaun mak bele indentifika lolos problema nia hun nee mai husi nebe, tuir relatoriu dehan problema nia hun nee mai husi Arte-Marsisias. Maibe’e prosesu investigasaun mak foin bele hatene lolos ida neebe mak suspeitu no ida neebe mak vitima.

Iha parte seluk Komandante PNTL Munisipiu Covalima, Superientendente Polisia, Eugenio Perreira hateten, suspetu ba kazu neebe akontese iha Suku Zulo, postu Administrativu Zumalai iha loron 19, PNTL kaptura ona suspetu nain 13 neebe oras nee iha prosesu detensaun no kontinua aprzenta ba Ministeriu Publiku para akuza ba iha Tribunal. Informasaun kompletu iha STL Jornal no STL Web, edisaun Tersa (24/5/2016). Lucia Ximenes

Suara Timor Lorosae