Tinan Oin Governu Sei Foti Osan Biliaun 1

DILI – Governu Timor Leste hahu ona halo diskusaun ba Orsamentu Jeral Estadu nian ba tinan oin, no tuir planu estadu sei foti osan ba tinan 2017 hamutuk Billiaun ida.

Informasaun nee fo sai husi Sekretariu estadu Konsellu Mnistru, Avelino Coelho, ba jornalista sira iha Palacio do Governu Tersa (24/05/2016) wainhira remata reuniaun Konsellu Ministru hamutuk ho membru governu tomak.

Ministeriu Finansas aprejenta ona envelope fiscal ba orsamentu 2017 nian no iha aprejentasaun ne eiha senariu 5 tanba nee Konsellu Ministru tenke deside senariu ida neebe mak diak liu no iha senariu 5 nee balu dehan 1 pontu 2 nomos 3 tanba nee mak sei hare hela,” hatete Avelino.

Nia hatutan iha tinan 2017 nee tinan politiku nian tanba nee governu liu husi Konsellu Ministru sei hare didiak nomos sei koa osan balu ou sei amenta, tanba sei hare liu ba programa ida neebe mak bele atu implementa iha tinan 2017, atu nunee bele halo redusaun ba Orsamentu Jeral Estadu.

Iha fatin hanesan Vise Ministru Finansas, Helder Lopes, mos hatete katak Ministeriu Finansas aprejenta obsaun 5 ba Konsellu Ministru, tanba nee se wainhira governu foti osan biliaun 1 iha tinan oin maka governu halo ona redusaun ba osan hamutuk Miliaun 500. Informasaun kompletu iha STL Jornal no STL Web, edisaun Kuarta (25/5/2016). Thomas Sanches

Suara Timor Lorosae