Oho Animal Sei Lapara, Gaspar: “Operasaun Inklui Mos Asu No Sintina”

DILI – Operasaun neebe mak halo ba animal liu-liu ba fahi iha sidade Dili laran sei kontinua ou sei lapara, no operasaun nee laos deit ba fahi maibe inklui mos Asu no Sintina neebe mak liga direita ba bee dalan ou baleta.

Deklarasaun nee fo sai husi Administrador Municipiu Dili, Gaspar Gusmao, liu husi ninia deskursu neebe mak halao iha edefisiu Postu Administrativu, Vera Crus Kinta (28/04/2016).

Ita iha ona lei it abele hakiak animal maibe tenke iha luhan neebe adekuadu maka fahi nia luhan nee tenke mos no la impaktu ba ema seluk, se ida nee maka akontese nee laiha problema mais ita la tolera animal sira neebe mak laiha luhan no durante operasaun nee halo oin rua maka ba animal laiha luhan no ida neebe mak iha luhan maibe la adekuadu no ba oin sei halo operasaun mos ba Asu no Sintina neebe mak liga direita ho valeta,” hatete Gaspar.

Nia hatutan rajaun halo operasaun ba animal tanba dala barak komonidade kestiona makas tanba hetan desjastre ho motor ou kareta, tanba deit Asu mak korta no rajaun seluk mak Dili hanesan kapaital ba nasaun laos fatin hakiak animal hodi estraga fali ema seluk.

Iha fatin hanesan Xefe Suku Bairo Pite, Joao Batista Belo, husu ba komonidade hotu atu kopera hamutuk ho estadu hodi bele koidadu ambiente sidade Dili liu-liu konaba animal neebe mak hakiak husi komonidade hotu. Infromasaun kompletu iha STL Jornal no STL Web, edisaun Sabado (30/4/2016). Thomas Sanches

Suara Timor Lorosae