TINAN MIZERIKORDIA, TINAN LARAN LUAK…!!!

Jornal Nacional, editorial

Amo Papa Francisco primeiru deside tinan 2016 nudar tinan jubileu ba mizerikordia ‘tinan laran luak’ nebe hahu husi fulan Novembro 2015 too Novembro 2016 mai. Tinan jubileu mizerikordia nee fo uportunidade sarani Katolka sira hodi manan grasa indulzensia plenaria ka grasa rohan laek husi Nai Maromak via Igreja sira maske la konfesa.

“Iha razaun oi-oin ne’ebe Amu Papa iha wainhira deside tinan ne’e hanesan tinan Mizerikordia, tanba hakarak fo oportunidade ba sarani tomak hodi bele senti maromak nia laran luak hodi haraik perdaun ba sarani liu husi konfesa tantu ne’e sala bo’ot ou ki’ik e liafuan Mizerikordia mai husi termu oin rua Mizeri refere ba ema nia defeitus, interpeisaun, limitasaun no frakeja, Kordia mai husi liafuan latina katak fuan e fuan ne’e refere ba maromak nia fuan katak maromak ne’ebe iha fuan ne’ebe bo’ot atu akolla no nakloke hodi haraik perdaun no simu oan sira ne’ebe lao sala dalan ona,” Dom Virgilio.

Grasa Indulzensia nee mos laos akontese iha igreja hotu hotu ka parokia hotu hotu, lae, grasa mizerikordia nee akontese iha deit igreja nebe mak amo Papa rasik determina. Ba igreja Timor Leste mak Igreja Motael, Balide no Becora, bele dehan igreja Antigu.

Tinan mizerikordia nee bele dehan importante tamba ajuda no fo uportunidade ba sarani sira atu fila fali ba Maromak liu husi sakramentu Konfesa tamba sarani sira halo sala boot, pekadu mortal nebe tauk atu konfesa, igreja fo uportunidade atu fo konfesa.

Alende ne’e tinan Mizerikordia atu fo ajuda no oportunidade  ba sarani hodi fila ba maromak liu husi sakramentu konfesa, tanba dalabarak sarani balun halo sala bo’ot tauk atu konfesa, igreja fo oportunidade no korazen ba sarani tomak atu halo konfesa tantu sala bo’ot ou ki’ik.

Tinan jubileu mizerikordia nee importante atu lori fila fali sarani sira nebe durante nee dook an husi Maromak, dook an husi Igreja no salva sarani sira nebe laiha ona serteza fiar nian iha sira nia moris.

Depois amo Papa deside tinan jubileu mizerikordia, amo Papa mos apela ba Igreja tomak iha mundo rai kalaran atu fo komunga ba divorsiadu sira, tamba divorsiadu barak mak durante abandona igreja,  lakomunga tamba igreja proibe.

Needuni tinan mizerikoria no komunga ba divorsiadu sira nee nudar momemntu importante atu loris hikas fali sarani sira hakbisik an igreja no hakbesik an ba Nai Maromak depois de simu saramentu batismo no saramentru maternal.

Jubileu mizerikordia nee nudar laran luak Amo Papa nian atu halibur fila fali niniasarani sira, nini bibi oan sira nebe durante karik tinan barak labesik uma kreda no labesik Nai maromak ba sala sira nebe kontra doutrina mandametu 10 nian.

Agora nudar sarani no nudar sala nain oinsa aproveita uportunidade nee, karik husik liu let deit ka komesa hakbesik an ona ba iha Igreja sira nebe determinado no amo sira nebe sai misionariu ba mizerikordia nee.*