EDIFISIU MF FOUN SEIDA’UK BELE UTILIZA

Primeiru Ministru Interino, atual Ministru Estadu i Prezidenti Konsellu Ministrus, Agio Perreira informa katak, Governu seida’uk utiliza edifisiu foun Ministériu Finansas, tanba instalasaun ba kuadrus servisu nian iha edifisiu ne’e, seida’uk hotu.

“Tenki seguru, tanba Ministériu Finansas ne’e, Estadu tomak nian, internet ho sistema profisionalizasaun ba kuadru sira ne’ebé atu servisu iha ne’eba, nia detailus ne’e, komplikadu lahalimar,” dehan Agio Perreira ba jornalista sira iha Palacio Prezidensia Aitarak Laran Dili, Kinta (23/06).

Agio Perreira esklarese, to’o oras ne’e dada’uk Governu seida’uk uja Ministériu Finansas foun, tanba se halo hela prosesu apresitamentu.

Nia reafirma, uma ne’e se persija halo apresitamentu, tanba la’os de’it uma ne’e nia didin lolon, maibé uma n’ee nia laran mak tenki iha sistema ida ne’ebé fungsionál.

Alende ne’e, Agio Perreira mós informa katak, iha sorumutu ho PR Taur Matan Ruak ne’e, sira ko’alia kona-ba komisaun reforma justisa ninian.

“Ami ko’alia mós kona-ba komisaun reforma justisa, ho setor judisiário ne’ebé iha ha’u nia okos rasik, Prezidensia Konsellu Ministrus,” katak Agio Perreira.

Nia reafirma, Governu sei hato’o informasaun tomak ba Prezidenti Repúblika, atu fó aktualizasaun, tanba ne’e relevante mós ho Timor Leste Development Partner Meting (TLPDM).cos

Jornal Nacional