NEGOSIANTES BALUN UZA KIOS BA HELA

Uma ne’ebe mak Ministeriu Comersiu Industria e Ambiente (MCIA) oferese negosiante sira iha merkadu Taibessi, oras ne’e, kuaze negosiantes 180 uja fali ba hela.

Carlos Saldanha nudar kordenador  merkadu Taibesi hatete, baraka ou kios balun sira taka tiha uja ba fali ba fatin toba no hela no balun seluk husi abandona deit, tanba ema la hola sasan entaun sira baruk ona atu mai fan.

Carlos haktuir, kios hirak ne’ebe maka vendadores sira la utiliza maibe utiliza fali ba halo fatin toba ne’e kuaze 180 resin maka abandona,husi numeru ne’e iha balun la uja ona iha balun sira uja fali sai hanesan fatin kos  mais iha ne’e ami sempre preve hela deit maibe labele foti desizaun tuir ami nia hakrak deit,maibe tenki kumpri mos ba orden no lei husi Ministeriu koloka tiha ona,’’ dehan Carlos ba jornalista sira hafoin hetan inspesaun direta husi Vice Ministru MCIA, Nino Pereira  iha merkadu Taibesi, Dili, Kinta (23/6/2016).

Nia hatete,vendaores sira utilja fatin halo negosiu nian ba toba ne’e tanba fatin ne’e seidauk define no sura mos sei hare ba situasaun merkadu, bainhira merkadu ne’e halo hotu ona hanesan merkadu Manleuana  entaun sira tau ona regras katak,  oras to tenki haruka vendadores sira hotu fila ba uma, maibe tanba fatin ne’e seidauk seguru moru nakloke hela entaun ministeriu mos labele foti medida ida atu define katak vendedores sira tenki fila ba toba iha nia uma ou toba iha kios.

Na mos informa katak,  durante ne’e Governo liu husi MCIA tau ekipa balun iha merkadu refere hodi halo kontrola ba iha vendadores sira i kontrolu sira maka hanesan, kada loron tenki halo lista presenza ba vendadores sira no halo lista prezensa hodi hatene negosiante ne’ebe deitmak sei ativa.

‘’Ami halo absensia mak to loorn 180 ka fulan 6 nia laran maka vendadores sira la utiliza fatin ne’e ba halo negosiu entaun ami foti ona desizaun taka avizu iha kios ne’e hodi fo tan tempu semana rua ba sira mak la ativu nafatin mak ami tenki foti ona kios ne’e depois halo fali relatoriu ida haruka ba iha ministeiru depois ministeiru maka foti desizaun para atu responde  fali ema seluk ne’ebe mak iha interse atu halo fali negosio,’’ koalia Carlos.

Iha fatin hanesan vise Ministru MCIA, Nino Pereira hatete, ho inspesaunne’e sira sei hola desizaun urjenti mak sei foti fali fatin sira ne’ebe mak negosiante sira abandona kleur ona hodi nune’e jere fali bele fo ba ema sira seluk ne’ebe mak hakarak halo negosiu.  nia

Jornal Nacional