PR TAUR MATAN RUAK: ESTUDANTES-ANIMAL PARTILLA FATIN IDA

Prezidenti Repúblika (PR) Taur Matan Ruak hateten katak, hakarak atu loke eskola ida, ema hotu-hotu hakarak maibé atu jere eskola ida sai susesu presiza ema ida ne’ebé mak iha kapasidade.

“Loke eskola ema hot-hotu loke, mas jere eskola, nem ema hot-hotu iha kondisoens no kapasidade atu jere, mesmu sira ne’ebé iha rekursu barak liu,” hateten Xefi Estadu Taur Matan Ruak, iha nia diskursu wainhira partisipa partisipa iha seremonia aniversáriu tinan ida (1) ezisténsia TVE-Timor, iha eskola Kolégio São Miguel Comoro-Dili, Sábadu (25/6).

Tuir PR Taur Matan Ruak katak, eskola barak iha Timor Leste (TL) ne’e, animal ho estudante sira partilla malu fatin ida de’it. Tanba loron alunus ho professor sira hanorin malu, kalan fahi ho bibi mak toba iha laran.

Maski nune’e maibé, PR Taur Matan Ruak la prefere ba eskola ida ne’ebé mak akontese kondisoens hanesan ne’e.

Taur Matan Ruak iha okaziaun ne’e elojia Eskola São Miguel, tanba iha kondisoens ne’ebé di’ak no animal mós la hela ona iha laran.

To’o nutísia ne’e fó sai Jornalista husi Jornal ne’e, seidauk hetan konfirmasaun husi Ministériu Edukasaun (ME).cos

Jornal Nacional