PUDD PRONTU KOMPETE IHA 2017

Partidu Unidade Dezenvolvimentu Demokratika (PUDD) prontu atu kompete ho partidu boot sira seluk ne’ebe mak eziste kleur ona. Tanba ne’e, oras ne’e dadauk organizasaun partidu ne’e nian hahu halo konsolidasaun iha Munisípiu hotu to’o tun ba baze, nune’e mos hahu ona halo konferensia nasional hodi organiza di’ak liu tan planu partidu nian hodi kompete iha eleisaun jeral 2017.

Adjuntu Sekretario Jeral PUDD, Julio Gil da Silva Guterres, hateten katak, atu hetan estrutura definitiva ba orgaun feto nian, tanba semana rua liu ba partidu mos realiza ona organizasaun defisiente ninia komferensia, husi komferensia sira ne’e atu prepara lideransa diak hodi ba partisipa iha kongresu nasional partidu nian tuir mai.

“Ami nia partidu iha orgaun oin lima hanesan, orgaun feto, defisientes, veteranus joventude no seluk tan, tanba ne’e maka ami prontu ba ukun, prontu mos atu kompleta demokrasia,no kompete iha eleisaun 2017 nian, ami fiar an,” hateten Adjuntu Sekretariu jeral PUDD ne’e ba jornalista sira iha salaun CNE, Dili, Sabado (25/06/2016).

Iha fatin hanesan, Prezidenti komisaun organizadora Konferensia nasional Organizasaun Feto, Carmen Perreira, hateten katak, ho partisipasaun feto iha PUDD garante katak atu manan maioria iha eleisaun 2017.

“Ami garante manan, tanba PUDD tinan-tinan sempre produs ninia ema, husi grupu, organizasaun hot-hotu, PUDD laharene ba kor mutin ka metan, hakarak hakuak ema hot-hotu, tanba ne’e maka ami prontu atu atu kompete,” garante Carmen.

Ema hamutuk na’in atus lima mak partisipa iha konferensia refere, kada munisípiu reprezentan na’in rua.

Iha konferensia ne’e konsege hili Carmen Joela Perreira hanesan prezidenti organizasaun feto PUDD nian ho votus 147. mia

Jornal Nacional