Veteranu Mate Governu La Dignifika-Diskrimina

DILI - Sestu governu konstitusional halo diskrimisaun no la dignifika luta veteranu sira nian, wainhira mate tamba membru govenru la marka prezensa durante seremonia funeral Veteranu.

Liu husi Sesaun Plenaria Tersa (14/06/2016) iha Parlamentu Nasional (PN), Deputadu Bankada Fretilin Manuel Castro hatete, veteranu sira mate kuandu telefone ba membru governu laiha ida mak fo atensaun too kareta ambulansia mos laiha.

Membru governu no deputadu mak mate buat hotu iha hodi prepara fatin, maibe veteranu ida mak mate toba hanesan animal, hau triste governu la fo dignidade no diskrimina veteranus sira,” dehan Manuel.

Deputadu nee hatete veteranus sira neebe maka sofre ba bala musan rihun ba rihun mate, maibe membru governu nein ida atu tau matan, tan nee senti triste boot tamba membru govenru halo diskriminasaun.

Iha fatin hanesan Deputada Bankada CNRT Domingas da Silva alias Bilou Mali senti triste hare hahalok membru governu sira nian kuandu membru governu mate buat hotu la kestiona, falta buat ida kompletu hotu Maibe veteranu mate buat hotu laiha.

Nune mos Deputada Albina Marcal hatete nia parte lakomprende situasaun neebe akontese ba Veteranu sira, tan nee hodi veteranu mak Timor Leste oras nee sai nasaun ema hotu goza. Informasaun kompletu iha STL Jornal no STL Web, edisaun Kuarta (15/6/2016). Timotio Gusmao

Suara Timor Lorosae