Governu britániku sei respeita liberdade sirkulasaun hosi portugés sira

Governu britániku sei respeita liberdade sirkulasaun hosi portugés sira iha Reinu Unidu to'o hakotu negosiasaun hodi sai hosi Uniaun Europeia, afirma ona iha loron-segunda ne'e, iha Londres, hosi sekretária Estadu Portugal nian ba Asuntu Europeiu sira, Margarida Marques.

Hafoin enkontru ida ho nia homólogu, David Lidington, ne'ebé transmiti ba nia katak Londres hakarak respeita "kompromisu tomak liuliu iha matéria ba livre sirkulasaun".

Nia hatete katak tema "preokupa tebes tanba iha kazu balun hosi komunidade portugés" ba atake sira xenofobia iha loron sira hafoin referendu ne'ebé determina ona saída britániku nian hosi UE.

"Ami iha ona garantia katak iha empeñu maka'as hosi parte primeiru-ministru [David Cameron] hodi evita atu situasaun sira hanesan ne'e bele repete fali no salvaguarda direitu tomak hosi komunidade europeiu ne'ebé hela iha Reinu Unidu", hatete.

Margarida Marques simu ona garantia sira katak Governu britániku "iha disponibilidade hodi kumpri obrigasaun tomak nu'udar Estadu-membru UE nian to'o prosesu nia rohan", inklui atribui títulu rezidénsia permanente ba sira ne'ebé hela iha nasaun liuona tinan lima.

"To'o agora laiha ema ida maka preokupa ho ne'e, sira hanesan sidadaun hosi Estadu-membru ida hosi UE no kestaun ne'e la koloka. Hanesan direitu ida maibé ema sira la husu rekoñesimentu ba direitu ne'e. Maibé nia hanpin katak hanesan kestaun ida ne'ebé tenki hanoin. Tanba direitu ne'e ezisti, tenki husu ba rekoñesimentu ne'e", nia hatete.

Enkontru ne'e serve hodi hatene tipu relasaun ne'ebé Reinu Unidu bele iha ho UE iha futuru, liuliu karik tuir modelu sira hosi nasaun sira hanesan Noruega, Suisa ka Kanadá, ka karik bele iha formatu ida oinseluk.

"Hanesan sedu atu iha pozisaun definitivu sira ka loloos. Governu harii ona grupu ida serbisu nian hodi halo inventáriu hosi eixu oioin kona-ba relasaun sira ohin loron entre Reinu Unidu ho UE no prepara hela menu ida. Governu foun tuirmai ne'e maka sei analiza área polítika saida maka hakarak iha koperasaun metin ho UE", nia hatutan.

Asesu ba merkadu internu, seguransa, liuliu fahe informasaun, hanesan luta hasoru terorizmu no kontra tráfiku ema sira nian, no polítika esternu, ho foku iha polítika dezenvolvimentu nian, hanesan prioridade balun hosi Londres.

Maibé, nia subliña katak Portugal konkorda ho pozisaun hosi Konsellu Europeu, ne'ebé hatete nesesidade ho asesu ba merkadu internu depende hosi liberdade haat: sirkulasaun merkadoria sira nian, ema sira nian, serbisu sira no kapital sira.

Margarida Marques konsidera ona "normal" kontaktu bilateral sira hodi nune'e nasaun sira hatene saida maka akontese, maibé nia hatudu esperansa katak "relasaun sei defini ba multilateral entre Reinu Unidu ho UE".

SAPO TL ho Lusa