Hetan Supreza Aniversariu Puzia-muzika, PR Taur Tanis

DILI - Estudante grupu Sidadania Palasiu Presidensial no Artista Timor oan Maria Vitoria da Costa, halo Supreza ba Prezidente Republika Taur Matan Ruak neebe halo tinan ba dala 60 ho Kanta no puzia.

Supreja Aniversariu Prezidente Republika nian halao uluk husi Eis Prezidente Preublika Jose Ramos Horta hodi fo hatene ba Partisipante sira neebe partisipa iha seremonia kondekorasaun Grande colar Ordem Kolar ba Antigu Prezidente Republika Mocambique Joaquim Alberto Chissano.

Hau husu ba ita hotu neebe partisipa iha seremonia nee atu kanta muzika halo tinan nian ba ita nia Prezidente Republika Taur Matan Ruka neebe ohin halo tinan ba dala 60,” dehan Horta ba partisipante sira iha Salaun Xina Palasiu Prezidensial Nicolao Lobato, Segunda (10/10/2016).

Parsipante sira iha seremonia nee konsege kanta muzika aniversariu nian ba Prezidente Republika nunee hotu-hotu kaer liman Prezidente hodi fo parabens.

Liu minutu balun nia laran, Grupu Estudante Estudante grupu Sidadania Palasiu Presidensial no Artista Timor oan Maria Vitoria da Costa hodi kanta Muzika no hato puzia ba Prezidente Taur.

Artista Maria Vitoria hanesan mos Estudante Sekundaria Eskola Kolegiu Sao Pedro liu husi Puzia hodi hatete nudar labarik sempre hanoin ezemplu neebe mak prezidente fo ba estudante sira.

Hatan ba Supreze neebe estudante sira halo, Prezidente Republika Taur Matan Ruak hatete supreza neebe halo fuan rahun, durante nunka tanis maibe estudante halo prezidente tanis barak. Informasaun kompletu iha STL Jornal no STL Web, edisaun Tersa (11/10/2016). Timotio Gusmao

Suara Timor Lorosae

LEE LIU IHA SUARA TIMOR LOROSAE