Osorio Husu Levantamentu Imunidade Labele Budu Iha Meza PN

DILI – Deputadu husi Bankada Fretilin Husu ba Prezidente Parlamentu Nasional (PN) labele budu lei no levantamentu imunidade, neebe mak haruka husi tribunal.

Tuir Deputadu husi Bankada Fretilin, Osorio Florindo hatete, lei no levantamentu imunidade neebe mak tribunal haruka mai ona iha Parlamentu Nasional (PN) labele budu ka rai, maibe tenke despaixa.

Hanesan lei seluk neebe mak tama ita labele budu lei mai baixa ba komisaun, komisaun servisu hotu submete mai plenaria deskuti depois halo vitasaun. Hanesan mos karta sira seluk husi tribunal,” dehan Osorio liu husi plenaria, PN-Dili, Segunda (10/10/2016).

Osorio haktuir karta husi tribunal nee mai parlamentu konaba levantamentu imunidade nee se-se, i lori ba komisaun, labele ida ikus uluk, mai ikus rai. Karta sira nee se-se deit mak Governu ka tribunal husu mai ba Parlamentu nee prezidente labele hili lai ida nee prioridade no ida nee laprioridade.

Iha fatin hanesan, Prezidente PN, Aderito Hugo dehan, ba asuntu neebe mak Deputadu sira foti agora progresu hotu, iha komisaun laiha ida iha nia meza leten.

Nia dehan tan, maibe korespondensia nafatin ba iha komisaun etika, iha rua inprogresu iha komisaun etika, laiha tan pedidu seluk ke tau iha gaveta. laiha korespodensia husi tribunal tau iha gaveta hahu iha 5 Maiu too ohin loron. Informasaun kompletu iha STL Jornal no STL Web, edisaun Tersa (11/10/2016). Raimundo S. Fraga

Suara Timor Lorosae