Cesar: TL Hetan Liberdade, Ukun Nain Goza Osan No Ukun

DILI – Povu Timor Leste (TL), sei komemora loron masakre 12 novembru, iha Santa Kruz, ba dala XXV,  tamba liu husi masakre sira nee mundu rekonese TL nia luta, ikus mai TL hetan liberdade, maibe liberdade ida nee ukun nian sira maka goza osan no ukun, povu kontinua moris kiak.

Tuir Deputadu CNRT Cesar Valente katak loron ida nee laos ba joventude sira deit, maibe inklui tornu ema hotu nia, ohin loron laos deit komemora, maibe koalia mos konaba istoria ou lalaok neebe maka joven sira iha tempu neeba hasoru, atu sai refrensia ida ba sira agora.

ita haluhan tiha sakrefisiu neebe maka ita nia maun alin sira ohin loron la moris hamutuk ho ita atu hakilar katak ukun rasik aan ida nee laos imi mesak maka halo, ukun rasik aan ida nee ita hotu maka halo, needuni ba hau la kohi koalia barak no lakohi husu atu hetan regalias ruma husi estadu, hau laperokupa ho ida nee,” hateten Cesar, ba STL, antes debate panorama orsamental 2017, iha Hotel Novu Turismu, Lesidere, Dili, Kinta (10/11/2016).

Iha fatin hanesan Deputadu Bankada Fretilin Fansisco Miranda Branco hateten povu Timor Leste inklui joventude loriku Assuwani luta hasoru invazor sira, mate ka moris mos sira la tauk, tanba deit defende TL nia ukun aan.

Nune mos Ativista Salvador de Jesus hateten uluk iha funu laran povu hotu kontribui makas ba luta ida nee, too ikus hetan tiha liberdade, povu sira tau tiha ba kotuk ukun nian sira maka goza osan liu husi pensaun oi-oin liu-liu pensaun vitialisia. Informasaun kompletu iha STL Jornal no STL Web, edisaun Sesta (11/10/2016). Joao Anibal

Suara Timor Lorosae