ESTABILIDADE IMPORTANTE LIU REFORMA

Xefi Estadu Maior das Forsas Armadas Falintil FALINTIL Forsa Defeza Timor Leste (F-FDTL), Maijor Jeneral Lere Anan Timur hateten katak, reforma husi instituisaun F-FDTL la importante liu estabilidade povu tomak nian iha nasaun Timor Leste ne’e.

Xefi Estadu Maior das FALINTIL Forsa Defeza Timor Leste (F-FDTL), Maijor Jeneral Lere Anan Timor dehan, mudansa ba kargu Xefia iha F-FDTL nia laran ne’e normal, hanesan ha’u tinan 64 ona, no ha’u nia Vice mós hanesan, to’o tempu tenki reforma.

“Maibé kestaun la’os reforma ka la reforma, kestaun ne’e, instituisaun metin ka lamentin, ida ne’e mak esensial, reforma ka la reforma ne’e ita bele dehan katak, rutina,” katak Lere Anan Timor ba jornalista sira iha Palacio Prezidensia Repúblika Aitarak Laran Dili, Kuarta (11/09).

Maibé Lere dehan, situasaun atu di’ak ka ladi’ak ne’e, buat ida ne’ebé esensionál ba ema atu preokupa.

“Nia mai, lori instituisaun ne’e ba di’ak ka la’e, ida ne’e mak importante, la’os reforma ka la reforma, ou la’os nia mak tenki sa’e to’o mate,” relata Lere. Nia afirma, distinu nasaun ne’e, laiha limitasaun, ema mak troka malu, maibé nasaun sei labele troka.

Lere esklarese, nasaun ida demokrátiku liu mak Timor Leste ona, tanba iha Timor Leste ne’e, violasaun direitus umanus mós laiha. “Ita tolok Primeiru Ministru ka tolok Xanana mós tolok de’it ona, ita demokrátiku liu,” akresenta Lere.cos

Jornal Nacional