OSCAR LIMA EJIJE GOVERNU KONTROLA LOJA 1 DOLLAR SHOP

Prezidenti Camara Comersiu Timor Leste (CCI-TL), Oscar Lima ejije ba ministeriu kompetente atu tun kontrolaba loja 1 dollar shop sira, tanba sira fan sasan barak la iha kualidade no liu prazu.

‘’Sasan sira  iha loja 1 dollar shop ne’e oho deit ita tanba kualidade la iha, maibe tanba sasan ne’e baratu ema hotu mai hola, maibe kuitadu ita nia inan aman sira ne’ebe lahetene le hakerek entaun sira naran ba hola deit at ka diak sira lahatene. Tanba ne’e ami husu ona Governu atu tun imidiatamente ami hato ona iha enkontro ida hanesan presidenti CCI TL hato ba Governu para proteje konsumedores,’ ’dehan Oscar Lima ba jornalista sira hafoin asina akordu ho banku ANZ, AIDE ho MDF kona ba kapasitasaun emprezariu kiik iha Timor Plaza, Sesta (11/11).

Oscar mos husu ba Governu atu halo kontrolo makas ba negosiante China sira ne’ebe mak fan sasan to munisipiu sira ne’e, tanba  nia lakohi negosiante China sira halo aktividade to munisipiu hodi hamate emprezariu kik sira iha, tanba tuir nia emprejariu kiik sira iha munisipiu la labele halo kompetisaun ho negosiante China sira ne’e.

‘’Tanba sira ne’e mai halo vinje fan sasan la kleur kaben ona ho Timor oan sira sai ona umane mane foun entaun sira mos tur ona iha merkadu laran halo mate ona empreja kik sira ne’ebe foin hahu sira nia negosio, ne’e hau hanesan presidenti CCI TL husu atu Governu tenki kontrolo,’’ tenik Oscar.

Antes  ne’e Ministru Comersiu Insdustria e Ambiente (MCIA) Costancio Pinto hatete, parte MCIA la fo lisensa be negosiu sira kik hanesan ne’e, ida ne’e parte Servisu verifikasaun Emprezarial (SERVE) ne’ebe iha Ministeriu Estadu Cordenador ASuntu Ekonomia (MECAE) mak fo lisensa.

‘’Ami fo deit lisensa ba negosio bot sira, ba negosio kik no aktividade kik sira hanesan 1 dollar shop ne’e parte MCIA la fo lisensa, Maibe ita hotu iha linha kordenasaun de servisu ba malu hodi halo kontrolo ba negosiante sira ne’e,’’ tenik Costansio. Nia

Jornal Nacional